រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលស្រុកជីក្រែង​ បានប្រជុំបង្កេីតក្រុមការងារតាមដាន និងទប់ស្កាត់ការរុករានទន្រ្ទានដីរដ្ឋគ្រប់ប្រភេទ​

ដោយ អ៊ុក ពិស្តារចំនួនទស្សនា (59)

នៅព្រឹកថ្ងៃសុក្រ ១២រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៧ ខែកក្កដា ឆ្នាំ២០២០ រដ្ឋបាលស្រុកជីក្រែង បានរៀបចំកិច្ចប្រជុំប្រកាសសេចក្ដីសម្រេចស្ដីពី ការបង្កើតក្រុមការងារតាមដាន និងទប់ស្កាត់ការរុករានទន្រ្ទានដីរដ្ឋគ្រប់ប្រភេទដើម្បីវាតយកដីធ្វើជាកម្មសិទ្ធិ នៅភូមិសាស្រ្ត ស្រុកជីក្រែង ខេត្តសៀមរាប នៅសាលប្រជុំសាលាស្រុកជីក្រែង ខេត្តសៀមរាប ក្រោមអធិបតីភាព លោក ពៅ ប៊ុនធឿន អភិបាល នៃគណៈអភិបាលស្រុកជីក្រែង។នៅក្នុងកិច្ចប្រជុំនេះដែរក៏មានការអញ្ជើញចូលរួមពីលោក អភិបាលរង នៃគណៈអភិបាលស្រុក លោក នាយករដ្ឋបាលសាលាស្រុក មេបញ្ជាការកងកម្លាំងប្រដាប់អាវុធទាំងបីប្រភេទ លោកនាយសង្កាត់រដ្ឋបាលព្រៃឈើខ្វាវ និងជីក្រែង លោកនាយកតំបន់អភិរក្សសត្វព្រៃបឹងពែរ លោកនាយសង្កាត់រដ្ឋបាលជលផលកំពង់ក្ដី និងអន្លង់សំណរ លោកប្រធានស្នាក់ការបរិស្ថានបឹងទន្លេសាប លោក លោកស្រី ប្រធាន អនុប្រធាន ការិយាល័យ អង្គភាព ចំណុះរដ្ឋបាលស្រុក លោកមេឃុំ ជំទប់ និងសមាជិកក្រុមប្រឹក្សាឃុំ និងមន្រ្តីពាក់ព័ន្ធសរុបចំនួន ៣០នាក់ ស្រី ០១នាក់។ នៅក្នុងកិច្ចប្រជុំនេះមានរបៀបវារៈដូចខាងក្រោម៖ ១-មតិបើកអង្គប្រជុំរបស់ លោក ពៅ ប៊ុនធឿន អភិបាល នៃគណៈអភិបាលស្រុកជីក្រែង។២-អានសម្រេចលេខ ០១១ /២០ សសរ ស្ដីពី ការបង្កើតក្រុមការងារតាមដាន និងទប់ស្កាត់ការរុករានទន្រ្ទានដីរដ្ឋគ្រប់ប្រភេទដើម្បីវាតយកដីធ្វើជាកម្មសិទ្ធិ នៅភូមិសាស្រ្ត ស្រុកជីក្រែង ខេត្តសៀមរាប។៣- មតិចូលរួមពីសមាជិក សមាជិកា នៃអង្គប្រជុំ។៤-មតិបូកសរុប និងបិទអង្គប្រជុំដោយប្រធានអង្គប្រជុំ។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 4 ថ្ងៃមុន