កាលពីថ្ងៃទី ១៨ ខែកក្កដា ឆ្នាំ២០២០ ឯកឧត្ដម ទៀ សីហា អភិបាលនៃគណៈអភិបាលខេត្តសៀមរាបបានដឹកនាំកិច្ចប្រជុំពិភាក្សាជាមួយក្រុមប្រតិបត្តិករ ដើម្បីត្រៀមលក្ខណៈកន្លែងស្នាក់នៅ និងតំបន់ទេសចរណ៍ក្នុងខេត្តសៀមរាបសម្រាប់ទទួលភ្ញៀវទេសចរមកកំសាន្តក្នុងអំឡុងពេលដែលរាជរដ្ឋាភិបាលអនុញ្ញាតឱ្យមន្ត្រីរាជ និយោជិត កម្មករឈប់សម្រាកការងាររយៈពេល៥ថ្ងៃ នៅខែសីហា ខាងមុខនេះ។ឯកឧត្តម បានលើកឡើងថាជាមួយនឹងការឈប់សម្រាកខាងលើនេះ សូមអាជីវករដែលជាម្ចាស់សណ្ឋាគារ ផ្ទះសំណាក់ និងភោជនីយដ្ឋានត្រៀមទទួលភ្ញៀវទេសរជាតិ ទោះបីស្ថានភាពភ្ញៀវទេសចរអន្តរជាតិពុំទាន់មានការកើនឡើងក៏ដោយ តែទោះជាយ៉ាងណាត្រូវប្រកាន់ភ្ជាប់នូវគោលការណ៍ណែនាំរបស់ក្រសួងសុខាភិបាល ដើម្បីចូលរួមទប់ស្កាត់ជំងឺកូវីដ-១៩។ ម្យ៉ាងទៀត ស្ថានភាពជំងឺកូវីដ-១៩នៅក្នុងខេត្តសៀមរាប គឺមានស្ថានភាពល្អដោយអាជ្ញាធរគ្រប់លំដាប់ថ្នាក់បានសហការគ្នាក្នុងការទប់ស្កាត់ និងតាមដានជាប្រចាំ ពិសេសបានធ្វើចត្តាឡីស័កដល់បងប្អូនប្រជាពលរដ្ឋដែលវិលត្រឡប់មកពីក្រៅប្រទេស ។ ឯកឧត្តម ក៏បានបន្ថែមថាបញ្ហាកូវីដ-១៩នេះក៏ពុំទាន់មាននរណាម្នាក់បានស្លាប់ផងដែរ ប៉ុន្តែយើងត្រូវប្រកាន់ភ្ជាប់នូគោលការណ៍ណែនាំរបស់ក្រសួងសុខាភិបាល។ ទន្ទឹមនឹងនេះ រដ្ឋបាលខេត្តនឹងរៀបចំគម្រោងមួយដោយជិះកង់នៅតំបន់ភ្នំពើងតានន់ ស្រុកអង្គរជុំ រួចបន្តមកជិះមកភ្នំចង្ក្រាន្តរយស្រុកវ៉ារិន។
