នារសៀលថ្ងៃព្រហស្បតិ៍ ៣កើត ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ២៣ ខែកក្កដា ឆ្នាំ២០២០ នៅទីស្នាក់ការសាខាកាកបាទក្រហមកម្ពុជា ខេត្តសៀមរាប លោក ស៊ុំ សំអន នាយកសាខា តំណាងឯកឧត្តម ទៀ សីហា ប្រធានគណៈកម្មាធិការសាខា បានជួបសំណេះសំណាល និងទទួលថវិកាអបអរខួបលើកទី១៥៧ ទិវាពិភពលោកកាកបាទក្រហម អឌ្ឍចន្ទក្រហម ឆ្នាំ២០២០ ពីលោកជំទាវ លោកស្រី ជាសប្បុរសជនក្នុងខេត្ត។ ក្នុងឱកាសនោះដែរលោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាប បានថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏សប្បុរសធម៌របស់លោកជំទាវ លោកស្រី ដែលបានយកចិត្តទុកដាក់ចូលរួមចំណែកក្នុងសកម្មភាពមនុស្សធម៌ គឺសបញ្ជាក់ពីទឹកចិត្តដ៏ប្បុរសធម៌ចំពោះបងប្អូនប្រជាពលរដ្ឋរងគ្រោះ និងងាយរងគ្រោះបំផុត។ ក្នុងកាយវិកាដ៏មនុស្សធម៌នេះ គឺជាការចូលរួមរបស់សប្បុរសជនជាមួយសកម្មភាពមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ សាខាកាកបាទក្រហមកម្ពុជា ខេត្តសៀមរាប នឹងប្រើប្រាស់នូវថវិកានេះ ឱ្យចំគោលដៅមនុស្សធម៌ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាអន្តរជាតិកាកបាទក្រហម អឌ្ឍចន្ទក្រហម។ លោកក៏សូមជូនពរដល់លោកជំទាវ លោកស្រី ព្រមទាំងក្រុមគ្រួសារ សូមជួបប្រទះនូវពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ថវិកាដែលមានទទួលមាន៖១- លោកជំទាវ ប៉ែន សំបូរ លួនអាន ថវិកា ៥០(ហាសិប)ដុល្លារអាមេរិក២- លោកជំទាវ ស៊ុនលី សីលា ចៅសែន ថវិកា ២០០,០០០(ពីរសែន)រៀល៣- លោកជំទាវ សរភិន ពិសី សំស៊ីយ៉ាន ថវិកា ២០០,០០០(ពីរសែន)រៀល៤- លោកស្រី ធា ពេជ្រចិន្តា ម្ចាស់សណ្ឋាគារ ឡាក់គីអង្គរ និងស្ប៉ា ថវិកា ១,០០០(មួយពាន់)ដុល្លារអាមេរិក៥- លោក ឡោ ប៉ូរ៉ាត់ និងលោកស្រី ហួត នារតី ថវិកា ៥០(ហាសិប)ដុល្លារអាមេរិក៦- លោក គាំ វាសនា និងភរិយា ម្ចាស់ហាងលំអរនារីខ្មែរ ថវិកា ៥០(ហាសិប)ដុល្លារអាមេរិក៧- លោក ហាក់ ជួង និងភរិយា ថវិកា ១០០(មួយរយ)ដុល្លារអាមេរិក៨- លោក កែវ ស៊ីថុន និងលោកស្រី សេន កញ្ញា ថវិកា ១០០(មួយរយ)ដុល្លារអាមេរិក៕