ថ្ងៃទី២៤ ខែ កក្កដា ឆ្នាំ២០២០ ក្រុមការងាររបស់មន្ទីរសាធារណការ និងដឹកជញ្ជូនខេត្តសៀមរាបបានអនុវត្តការងារថែទាំខួប និងថែទាំប្រចាំនូវបណ្តាផ្លូវដូចខាងក្រោម ៖1-បានបន្តធ្វើការជួសជុលដោយបំពេញចិញ្ចើមផ្លូវបាក់ ការងារថែទាំប្រចាំផ្លូវលេខ64 គ.ម13 ស្ថិតក្នុងឃុំពពេល ស្រុកសូទ្រនិគម។2-បន្តកាងារកៀរកិនបង្ហាប់ស្រទាប់គ្រឹះថ្មម៉ិក(M30) គម្រោងផែនការជួសជុលខួបផ្លូវជាតិលេខ63 ចន្លោះ7+960 ដល់10+820 ស្ថិតក្នុងសង្កាត់សៀមរាប ក្រុងសៀមរាប។3-បានបន្តធ្វើការសម្អាតរុក្ខជាតិសង្ខាងផ្លូវ ការងារថែទាំប្រចាំផ្លូវខេត្តលេខ265B ចន្លោះគ.ម2 ដល់គ.ម3 ស្ថិតក្នុងភូមិកំពង់ស្នោរ ឃុំជីក្រែង ស្រុកជីក្រែង។4-បានបន្តធ្វើការសម្អាតដីលើផ្លូវ ការងារថែទាំប្រចាំផ្លូវជាតិលេខ63 ចន្លោះគ.ម4 ដល់គ.ម5 ស្ថិតក្នុងសង្កាត់សៀមរាប ក្រុងសៀមរាប។5-បានធ្វើការជួសជុលស្នាមប្រេះ ការងារថែទាំប្រចាំផ្លូវជាតិលេខ6 គ.ម312+100 ស្ថិតក្នុងសង្កាត់ស្វាយដង្គុំ ក្រុងសៀមរាប។6-បន្តកាងារកាយបកស្រទាប់គ្រឹះចាស់គ្មានគុណភាព និងបង្ហាប់ឡើងវិញ គម្រោងផែនការជួសជុលខួបផ្លូវខេត្តលេខ2SR3 ចន្លោះ2+230 ដល់7+430 លាតសន្ធឹងក្នុងសង្កាត់ស្លក្រាម សាលាកំរើក ស្វាយដង្គុំ ក្រុងសៀមរាប។7-បានបន្តធ្វើការជួសជុលដោយសម្អាតចិញ្ចើមផ្លូវ ការងារថែទាំប្រចាំផ្លូវជាតិលេខ67 ចន្លោះគ.ម76 ដល់គ.ម77 ស្ថិតក្នុងស្រុកវ៉ារិន។ជាមួយគ្នានេះ ក្រុមការងារលូទឹកក៏បានអនុវត្តការងាររបស់ខ្លួនមានជាអាទិ៍ ៖-បានធ្វើការកាយសម្អាត សម្រាមបិទមុខអាងលូ ជាហេតុនាំឲ្យស្ទះលំហូរទឹក នាំឲ្យទឹកដក់លើផ្លូវជាតិលេខ6 ចំណុចចាប់ពីព្រះអង្គចេកព្រះអង្គចម រហូតដល់មុខសណ្ឋាគារសុខាអង្គរ ក្រុងសៀមរាប។-បានបន្តការងារបូមស្ដាលូទឹកភ្លៀង នៅតាមបណ្ដោយផ្លូវអាចារ្យ ហែម ចៀវ ក្នុងក្រុងសៀមរាប ដែលបានកកស្ទះដោយដី និងសំរាម ដើម្បីលំហូរទឹកបានលឿនជៀសវាងការលិចលង់។ទន្ទឹមនឹងនេះ ការងារសុវត្ថិភាពចរាចរណ៍ ក្រុមការងារលេខាធិការដ្ឋាន នៃអនុគណៈកម្មការសុវត្ថិភាពចរាចរណ៍ផ្លូវគោក សហការជាមួយស្នងការដ្ឋាននគរបាលខេត្ត និងអង្គភាពពាក់ព័ន្ធ ដឹកនាំដោយលោក ពិន ប្រាកដ អភិបាលរងខេត្ត និងលោក ជួត ច័ន្ទតារា អនុប្រធានមន្ទីរសកដជ.សរ បានចុះរឹតបន្តឹងអនុវត្តច្បាប់ចរាចរណ៍ផ្លូវគោក តាមបណ្ដោយដងផ្លូវជាតិលេខ6 ក្នុងភូមិសាស្ត្រស្រុកសូទ្រនិគម៕