រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោកជំទាវអញ្ជើញចូលទស្សនា ផ្សារលក់បន្លែសុវត្តិភាព សម្រាប់ថ្ងៃចុងសប្តាហ៍ នៅខេត្តសៀមរាប

ដោយ អ៊ុក ពិស្តារចំនួនទស្សនា (66)

ថ្ងៃសៅរ៍ ៥កើត ខែស្រាពណ៍ ឆ្នាំជូត ទោស័កព.ស២៥៦៤ ត្រូវនឹងថ្ងៃទី២៥ ខែកក្កដា ឆ្នាំ២០២០ ឯកឧត្តមរដ្ឋមន្រ្តី វេង សាខុន និងលោកជំទាវ ព្រមទាំងប្រតិភូអមដំណើរ បានឆ្លៀតឱកាសអញ្ជើញចូលទស្សនា និងជួបសំណេះសំណាលជាមួយបងប្អូនប្រជាកសិករកំពុងលក់កសិផលដែលផលិតបានយកមកលក់នៅផ្សារលក់បន្លែសុវត្ថិភាព ចុងសប្តាហ៍ នៅផ្សារណាត់ជាប់ដងស្ទឹងសៀមរាប ទីរួមខេត្តសៀមរាប។ឯកឧត្តមរដ្ឋមន្រ្តី បានសម្តែងក្តីរីករាយ និងសាទរចំពោះកសិករ ដែលបានខិតខំប្រឹងប្រែងអភិវឌ្ឍន៍ការងារដាំដុះរបស់ខ្លួន ពីការដាំដុះតាមបែបពឹងផ្អែកទៅតាមអាកាសធាតុ មកជាការដាំដុះក្នុងរោងសំណាញ់ ឬផ្លាស្ទិក និងបានផលិតជាបន្លែសុវត្ថិភាព ដើម្បីចូលរួមចំណែកលើកកម្ពស់សុខមាលភាពរបស់ប្រជាពលរដ្ឋកម្ពុជា។ ជាមួយគ្នានេះ ឯកឧត្តមរដ្ឋមន្រ្តី ក៏បានពិនិត្យឃើញថា កសិករបានអភិវឌ្ឍន៍ខ្លួនពីការដាំដុះផ្អែកលើផលិតកម្ម ទៅជាការដាំដុះទៅតាមតម្រូវការទីផ្សារ ដោយអនុវត្តតាមយន្តការផលិតកម្មតាមកិច្ចសន្យា។ ឯកឧត្តមរដ្ឋមន្រ្តី ក៏បានលើកទឹកចិត្តដល់កសិករឱ្យខិតខំពង្រីកការដាំដុះបន្លែសុវត្ថិភាពឱ្យបានកាន់តែច្រើន ទៅតាមតម្រូវការទីផ្សារ ។សូមបញ្ជាក់ថា៖ ផ្សារលក់បន្លែសុវត្ថិភាព ចុងសប្តាហ៍ គឺបើកលក់រយៈពេល២ថ្ងៃ(សៅរ៍ និងអាទិត្យ) រៀបចំឡើងដោយគម្រោងជំរុញទីផ្សារខ្នាតតូច (AIM) នៃមន្ទីរពាណិជ្ជកម្ម សហការណ៍ជាមួយកម្មវិធី ASPIRE នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប និងគម្រោងលាភ ។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 6 ម៉ោងមុន