រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

កិច្ចប្រជុំពិគ្រោះយោបល់ស្ដីពីការសិក្សា វាយតម្លៃ ហេតុប៉ះពាល់បរិស្ថាន និងសង្គមពេញលេញ លើគម្រោងសាងសង់ផ្លូវជាតិតភ្ជាប់ខេត្តបាត់ដំបង មកខេត្តសៀមរាប

ដោយ អ៊ុក ពិស្តារចំនួនទស្សនា (58)

ថ្ងៃសុក្រ ៣រោចខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៧ ខែសីហា ឆ្នាំ២០២០ នៅរដ្ឋបាលខេត្តសៀមរាប មានបើកកិច្ចប្រជុំពិគ្រោះយោបល់ស្តីពី ការសិក្សាវាយតម្លៃ ហេតុប៉ះពាល់បរិស្ថាន និងសង្គមពេញលេញ លើគម្រោងសាងសង់ផ្លូវជាតិតភ្ជាប់ខេត្តបាត់ដំបង និងខេត្តសៀមរាប ដឹកនាំដោយ លោក ង៉ាន់ ភិរុណ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងមានការចូលរួមពី លោកនាយករងរដ្ឋបាលសាលាខេត្ត នាយកទីចាត់ការ លោក លោកស្រី ប្រធាន អនុប្រធានមន្ទីរ អង្គភាព និងមន្ត្រីបច្ចេកទេសរបស់គម្រោងសាងសង់ ផ្លូវនេះសរុបចំនួន ៣៥នាក់។ក្នុងកិច្ចប្រជុំនេះដែរ លោកអភិបាលរងខេត្តបាន ចូលរួមផ្ដល់អនុសាសន៍ល្អៗជាច្រើន ជាពិសេសសង្កត់​ធ្ងន់លើកិច្ចសហការជាមួយអាជ្ញាធរមូលដ្ឋានគ្រប់លំដាប់ថ្នាក់ និងឱ្យម្ចាស់គម្រោងសហការជាមួយអាជ្ញាធរខេត្ត អាជ្ញាធរមូលដ្ឋាន និងអាជ្ញាធរជាតិកំចាត់មីន ព្រោះមានទីតាំងខ្លះនៃគម្រោងសាងសង់ផ្លូវនេះជាអតីតសមរភូមិប្រយុទ្ធ សម័យសង្រ្គាម។គោលបំណងនៃកិច្ចប្រជុំនេះគឺ ៖-ដើម្បីឱ្យភាគីពាក់ព័ន្ធទាំងអស់បានដឹង ចូលរួមយោបល់ កង្វល់ និងសំណូមពរ ដើម្បីជាគ្រឹះសម្រាប់រៀបចំផែនការបញ្ចៀស បន្ធូរបន្ថយ និងកាត់បន្ថយហេតុប៉ះពាល់អវិជ្ជមានក្នុងដំណាក់កាលអនុវត្តគម្រោង។ -សិក្សាពីប្រវត្តិផ្លូវ ការកែសម្រួលប្រព័ន្ធឡូជីស្ទីក ការលើកកម្ពស់ការតភ្ជាប់ផ្នែកដឹកជញ្ជូន ថាមពល និងឌីជីថល។-សិក្សាពីទំហំ នៃផលប៉ះពាល់ផ្សេងៗ ដើម្បីកំណត់បាន ភាពជាក់លាក់ក្នុងការកំណត់ផែនការច្បាស់លាស់។-សិក្សាពីទីតាំងភូមិសាស្ត្រពិតប្រាកដ និងរចនាសម្ព័ន្ធគម្រោង។សូមបញ្ជាក់ថាគម្រោងសាងសង់ផ្លូវថ្មីតភ្ជាប់ពីខេត្តសៀមរាប ទៅខេត្តបាត់ដំបងនេះមានប្រវែង ៧២.១៥៤គីឡូម៉ែត្រ ទទឹង ៥០ម៉ែត្រ (២៥ម៉ែត្រ សងខាងអ័ក្សផ្លូវ សរុប ៥០ម៉ែត្រ) គ្រោងនឹងសាងសង់បញ្ចប់នៅចុងឆ្នាំ២០២៤៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 1 ថ្ងៃមុន