រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

រដ្ឋបាលខេត្តបានអញ្ជើញនិយោជិត និងនិយោជក នៅសណ្ឋាគារឡឺម៉េរីឌានមកសម្របសម្រួលដោះស្រាយ

ដោយ អ៊ុក ពិស្តារចំនួនទស្សនា (24)

នាព្រឹកថ្ងៃទី១៤ ខែសីហា ឆ្នាំ២០២០ វេលាម៉ោង០៨:៣០នាទី លោក នាក់ ណេរ៉ុន អភិបាលរង នៃគណៈអភិបាលខេត្ត បានដឹកនាំកិច្ចប្រជុំពិភាក្សា ទាក់ទងនឹងករណីកូដកម្មរបស់បុគ្គលិកសណ្ឋាគារឡឺម៉េរីឌានអង្គរ ។ ក្នុងកិច្ចប្រជុំពិភាក្សានេះមានការចូលរួមពី លោកប្រធាន និងអនុប្រធានមន្ទីរការងារខេត្ត, លោកប្រធានមន្ទីរសុខាភិបាលខេត្ត, លោកអនុប្រធានមន្ទីរ ទេសចរណ៍ខេត្ត, លោក មេបញ្ជាការរងនៃកងរាជអាវុធហត្ថខេត្ត, អធិការការងារ, ប្រធានការិយាល័យនីតិកម្មក្រុង, និយោជក និងមេធាវីការពារក្ដីរបស់សណ្ឋាគារឡឺម៉េរីឌានអង្គរ, ប្រធានសហជីពរបស់សណ្ឋាគារឡឺម៉េរីឌានអង្គរ, និយោជិក និងមេធាវីការពារក្ដី និងអ្នកពាក់ព័ន្ធទាំងអស់សរុបចំនួន ៣១នាក់។បន្ទាប់ពីការពិភាក្សាគ្នានេះលោក នាក់ ណេរ៉ុន អភិបាលរង នៃគណៈអភិបាលខេត្ត និងជាប្រធាននៃកិច្ចប្រជុំពិភាក្សាបានធ្វើការបូកសរុបលើមតិសំខាន់នានាដូចខាងក្រោម ៖១/. ភាគីទាំងសងខាងគួរតែបន្ទន់នូវឥរិយាបថរៀងខ្លួន ស្វែងយល់ពីគ្នាទៅវិញទៅមក ដោយងាកមករកការផ្សះផ្សា សម្របសម្រួលវិញប្រសើរជាជាងត្រូវបន្តនីតិវិធីទៅដល់ក្រុមប្រឹក្សាអាជ្ញាកណ្ដាល ឬអាចឈានទៅដល់សាលាឧទ្ធរណ៍ និងតុលាការជាន់ខ្ពស់ទៀត ព្រោះវាធ្វើឲ្យបាត់បង់ផលប្រយោជន៍ទាំងសងខាង បាត់បង់ទាំងកេរ្តិ៍ឈ្មោះ កិត្តិយស ពេលវេលា ទ្រព្យសម្បត្តិ និងការបែកបាក់ទំនាក់ទំនងល្អដែលធ្លាប់មានពីមុន២/. ភាគីខាងនិយោជិត និងសហជីពគួរអត់ធ្មត់ផ្អាកសកម្មភាពធ្វើកូដកម្មនៅក្នុងរយៈពេលនៃថ្ងៃឈប់សម្រាក សងថ្ងៃឈប់នៃពិធីបុណ្យចូលឆ្នាំខ្មែរសិន ដើម្បីរក្សាសន្តិសុខ សុវត្ថិភាព សណ្ឋាប់ធ្នាប់សាធារណៈ៣/. បន្ទាប់ពីចប់ពិធីបុណ្យរួច ខេត្តនឹងចាត់វិធានការបន្ត ដោយអាចជួបប្រជុំពិភាក្សាផ្ទាល់រវាងភាគីទាំងសងខាងម្ដងម្នាក់ៗ ដើម្បីអាចឲ្យដឹងពីដើមហេតុឲ្យកាន់តែច្បាស់ ងាយស្រួលក្នុងការរកផ្លូវរួមមួយដែលអាចសម្របសម្រួលទទួលយកបានទាំងសងខាង ។ជារួម រដ្ឋបាលខេត្ត នៅបន្តគាំទ្រដល់ការសម្របសម្រួលដោះស្រាយវិវាទក្រៅប្រព័ន្ធដោះស្រាយវិវាទការងារ និងស្វាគមន៍ទទួលយកនូវសំណូមពរពីភាគីទាំងសងខាងដើម្បីជាមូលដ្ឋានសម្របសម្រួលបានទទួលបានជោគជ័យ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 4 សប្ដាហ៍មុន