ខេត្តសៀមរាប៖ ព្រឹកថ្ងៃទី២៨ ខែកញ្ញា ឆ្នាំ២០២០ លេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប (គ ខ ប ជ) បានដំណើរការកិច្ចប្រជុំប្រចាំត្រីមាសទី៣ ឆ្នាំ២០២០ ដើម្បីធ្វើការតាមដាននិងត្រួតពិនិត្យលើការអនុវត្តសកម្មភាពក្នុងការបង្ការ ទប់ស្កាត់ ការស្រាវជ្រាវបទល្មើស និងការផ្តន្ទាទោសជនល្មើសជួញដូរមនុស្ស ការនាំចេញដោយមិនស្របច្បាប់ ឬការកេងប្រវ័ញ្ចនានាលើស្រ្តី និងកុមារ។កិច្ចប្រជុំនេះ ដឹកនាំដោយលោកស្រី យូ សុភា អភិបាលរងខេត្ត និងជាប្រធានលេខាធិការដ្ឋ គ ខ ប ជ ព្រមទាំងមានការអញ្ជើញចូលរួមពីព្រះរាជអាជ្ញាររង តំណាងស្នងការនគរបាលខេត្ត កងរាជអាវុធហត្ថ មន្ទីរអង្គភាពជុំវិញជាសមាជិក និងអង្គការដៃគូជាតិ អន្តជាតិ ផងដែរ ដែលមានចំនួនចូលរួមសរុប ៥៤នាក់ ស្រី៣៥នាក់ នៅបន្ទប់ប្រជុំសាលាខេត្តសៀមរាប។អង្គប្រជុំបានធ្វើការពិភាក្សាលើបញ្ហាមួយចំនួន ដែលបានដាក់ចេញកាលពីកិច្ចប្រជុំប្រចាំខែសីហាកន្លងទៅ និងបានដាក់ចេញនូវផែនអនុវត្តបន្តរួមមាន៖១, ចុះពិនិត្យទៅលើបញ្ហាគ្រួសារដែលឪពុកម្តាយយកកូនដើរសុំទាន (ដើម្បីធ្វើការណែនាំ និងហាមមិនឲ្យនាំយកកុមារទៅសុំទាន)២, ចុះពិនិត្យទៅបញ្ហាដែលមានជនបរទេសប្រកបរបរអាជីវកម្មដើររាប់លុយនៅមូលដ្ឋាន(ប្រើយន្តរបស់គណៈបញ្ជាការឯកភាពក្រុង ស្រុក)៣, ពិនិត្យទៅបញ្ហានៃការទទួល និងបញ្ជូនដីការពីសាលាដំបូងខេត្ត ទៅអង្គភាពជំនាញអនុវត្តដីការ។៤, ពិនិត្យលើការងាររៀបចំផែនការសកម្មភាពប្រចាំឆ្នាំ២០២១សម្រាប់ការងារប្រយុទ្ធប្រឆាំងអំពើជួញដូរមនុស្ស។៥, ជំរុញឲ្យគ្រប់ស្ថាប័នទាំងអស់ បន្តធ្វើការបណ្តុះបណ្តាលពង្រឹងសមត្ថភាពដល់គ្រប់អ្នកពាក់ព័ន្ធ, ការផ្សព្វផ្សាយអំពីច្បាប់ពាក់ព័ន្ធ ការធ្វើចំណាកស្រុកប្រកបដោយសុវត្ថិភាព និងកិច្ចការពារជនរងគ្រោះ ការផ្តល់សេវា និងកិច្ចការពារកុមារ ឲ្យបានទូលំទូលាយ។
