រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

មន្ទីរកសិកម្ម​ រុក្ខាប្រមាញ់​ និងនេសាទខេត្តសៀមរាបរៀបចំកិច្ចប្រជុំបូកសរុបលទ្ធផលការងាររយ:ពេល​ ០៩ខែ​ ឆ្នាំ២០២០

ដោយ អ៊ុក ពិស្តារចំនួនទស្សនា (12)

នៅព្រឹកថ្ងៃអង្គារ ១២កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៩ ខែកញ្ញា ឆ្នាំ២០២០ ឯកឧត្តម កុយ សង សមាជិកក្រុមប្រឹក្សាខេត្ត និងលោក ង៉ាន់​ ភិរុណ អភិបាលរងខេត្ត តំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប អញ្ជើញចូលរួមក្នុងកិច្ចប្រជុំបូកសរុបលទ្ធផលការងារកសិកម្ម​ រុក្ខាប្រមាញ់​ និងនេសាទ រយ:ពេល​ ០៩ខែ​ ឆ្នាំ២០២០​ របស់មន្ទីរកសិកម្ម​ រុក្ខាប្រមាញ់​ និងនេសាទខេត្តសៀមរាប ក្រោមអធិបតីភាពឯកឧត្តម ណៅ​ ធួក​ រដ្ឋលេខាធិការ​ និងជាតំណាងដ៏ខ្ពង់ខ្ពស់របស់ឯកឧត្តម វេង​ សាខុន​ រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ និងមានការអញ្ជើញចូលរួមពី ឯកឧត្តម កុយ​ សង​ សមាជិកក្រុមប្រឹក្សាខេត្ត​ លោក លោកស្រី ថ្នាក់ដឹកនាំមន្ទីរ និងមន្រ្តីរាជការ នៃមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប។តាមរយៈរបាយការណ៍អំពីលទ្ធផលការងារក្នុងរយ:ពេល​ ០៩ខែ​ ឆ្នាំ២០២០កន្លងមករបស់មន្ទីរកសិកម្ម រុក្ខាប្រមាញ់ និងនេសាទខេត្ត បានឲ្យឃើញថា វិស័យកសិកម្ម រុក្ខាប្រមាញ់ និងនេសាទក្នុងខេត្តសៀមរាប មានការរីកចម្រើនគួរជាទីមោទនៈ ដែលក្នុងនោះ ផ្ទៃដីដំណាំស្រូវវស្សាអនុវត្តបានចំនួន​ ១៨៩,៣០០ហិកតា ព្យាករណ៍ផ្ទៃដីប្រមូលផលចំនួន​ ១៨៩,៣០០ហិកតា និងដំណាំរួមផ្សំមានចំនួន​ ៣៣,៧៨១ហិកតា។នាឱកាសនោះផងដែរ លោក អភិបាលរងខេត្ត បានថ្លែងអំណរគុណ និងកោតសសើរចំពោះការលះបង់នូវកម្លាំងកាយចិត្ត និងការខិតខំប្រឹងប្រែងរបស់ថ្នាក់ដឹកនាំ និងមន្រ្តីរាជការទាំងអស់ នៃមន្ទីរកសិកម្ម រុក្ខាប្រមាញ់ និងនេសាទខេត្ត ក្នុងការអនុវត្តតួនាទី ភារកិច្ចរបស់ខ្លួននាពេលកន្លងមក ជាពិសេសការកំណត់បាននូវមុខសញ្ញាជនល្មើសពាក់ព័ន្ធក្នុងវិស័យរដ្ឋបាលព្រៃឈើ និងជលផល ការចុះអប់រំ និងផ្សព្វផ្សាយដល់ប្រជាពលរដ្ឋនៅតាមមូលដ្ឋាន និងមានកិច្ចសហការល្អជាមួយសមត្ថកិច្ចពាក់ព័ន្ធ រួមទាំងអាជ្ញាធរដែនដី ក្នុងការទប់ស្កាត់ និងបង្ក្រាបនូវបទល្មើសព្រៃឈើ និងជលផល ទាំងក្នុងតំបន់អភិរក្ស តំបន់ព្រៃលិចទឹក ក៏ដូចជាតំបន់ ដែលមានសក្តានុពលធនធានធម្មជាតិផ្សេងៗទៀត។ជាមួយនោះ លោក​ អភិបាលរងខេត្ត​ ក៏បានចូលរួ​មជាទស្សនទានមួយចំនួន ដើម្បីជាការរួមចំណែកដល់ការអនុវត្តការងាររបស់មន្ទីរកសិកម្ម រុក្ខាប្រមា​ញ់​ និងនេសាទ ខេត្ត ឲ្យកាន់តែមានប្រសិទ្ធភាពជាងមុនដូចខាងក្រោម៖១.ត្រូវខិតខំដោះស្រាយនូវបញ្ហាប្រឈម ដែលនៅសេសសល់ និង អនុវត្តឱ្យមានប្រសិទ្ធភាពនូវទិសដៅអនុវត្តបន្ត។២.ពង្រឹង និងបង្កើតសមត្ថភាពដល់មន្ត្រីបច្ចេកទេស ដើម្បី​រៀបចំឲ្យមានវគ្គបណ្តុះបណ្តាលដល់ប្រជាពលរដ្ឋនៅមូលដ្ឋានប្រកបដោយប្រសិទ្ធភាព។​៣.ជំរុញកំណើនផលិតកម្មកសិកម្មគ្រប់ប្រភេទ ដោយលើកកម្ព​ស់​​ការស្រាវជ្រាវ និងការ​ផ្សព្វផ្សាយ​​បច្ចេកទេសកសិកម្ម ដើម្បីបង្កើន ទិន្នផលកសិកម្ម។៤.ជំរុញកំណើនផលិតកម្មសត្វគ្រប់ប្រភេទ ដោយលើកកម្ពស់កា​រ​ ផ្សព្វផ្សាយ​បច្ចេកទេសចិញ្ចឹម រួមបញ្ចូលទាំងការកែលម្អសមត្ថភាព ក្នុងការបង្ការជំងឺសត្វ និងជំងឺឆ្លងពីសត្វ ដើម្បី​ធានា​បាន​នូវការ​ផ្គត់ផ្គង់​សត្វ និងសាច់ប្រកបដោយអនាម័យ និងសុវត្ថិភាព។៥.ពង្រឹងការគ្រប់គ្រង និងអនុវត្តច្បាប់ ស្តីពីព្រៃឈើ និងសត្វព្រៃ តាមរយៈការគ្រប់គ្រង​ព្រៃឈើ​​ និងអភិវឌ្ឍន៍សហគមន៍ព្រៃឈើ និងចម្ការឈើដាំ ប្រកបដោយនិរន្តរភាព។៦.ពង្រឹងការគ្រប់គ្រង និងអនុវត្តច្បាប់ធនធានជលផល តាមរយៈការ គ្រប់គ្រងដែននេសាទ អភិវឌ្ឍន៍វារីវប្បកម្ម និងសហគមន៍នេសាទ ប្រកប​ដោយនិរន្តរភាព។៧.ត្រួតពិនិត្យ តាមដាន និងអនុវត្តវិធានការឲ្យបានតឹងរឹងស្របតាម សេចក្តីណែនាំ សេចក្តីសម្រេចផ្សេងៗពាក់ព័ន្ធនឹងការទប់ស្កាត់ និងបង្រ្កាបបទល្មើសព្រៃឈើ ការទប់ស្កាត់ លុបបំបាត់ និងបង្រ្កាប ការកាប់រាន ដុត ឈូសឆាយ និងហ៊ុមព័ន្ធដីព្រៃ ដើម្បីវាតយកដី ធ្វើកម្មសិទ្ធិ។៨.តាមដាន និងបន្តបង្រ្កាបបទល្មើសព្រៃឈើ និងជលផលជាប្រចាំ ដោយត្រូវសហការជាមួយមន្ទីរ អង្គភាពពាក់ព័ន្ធ និងអាជ្ញាធរ គ្រប់លំដាប់ថ្នាក់។៩.បង្កើតបរិយាកាសសាមគ្គីភាពផ្ទៃក្នុងរវាងថ្នាក់ដឹកនាំ និងមន្រ្តីរាជការ គ្រប់លំដាប់ថ្នាក់ ដោយចែក​រំលែកនូវបទពិសោធន៍ និងចំណេះ ដឹងឲ្យគ្នាទៅវិញទៅមក។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 3 ម៉ោងមុន