រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ឯកឧត្តម អភិបាលខេត្តដឹកនាំកិច្ចប្រជុំបូកសរុបការវាស់វែងរបស់ក្រុមការងារនិងសិក្សាផលប៉ះពាល់សំណង់

ដោយ អ៊ុក ពិស្តារចំនួនទស្សនា (11)

កាលពីព្រឹកថ្ងៃទី២៩ ខែកញ្ញា ឆ្នាំ២០២០ ឯកឧត្តម ទៀ សីហា អភិបាល នៃគណៈអភិបាលខេត្តបានដឹកនាំកិច្ចប្រជុំបូកសរុបការវាស់វែងរបស់ក្រុមការងារនិងសិក្សាផលប៉ះពាល់សំណង់ដែលអនុវត្តគម្រោងហេដ្ឋារចនាសម្ព័ន្ធទាំង ៣៨ខ្សែ ជាអំណោយដ៏ថ្លៃថ្លារបស់សម្តេចតេជោ នាយករដ្ឋមន្ត្រីបានប្រគល់ជូនខេត្តសៀមរាប ដើម្បីស្តារហេដ្ឋារចនាសម្ព័ន្ធក្នុងខេត្តឱ្យកាន់តែមានភាពប្រសើរឡើងវិញ។ឯកឧត្តម ទៀ សីហា ក៏បានជំរុញដល់ក្រុមការងារទាំងអស់ត្រូវវាស់វែងឱ្យប្រព្រឹត្តទៅបានរលូន និងស្របតាមផែនការដែលបានគ្រោងទុក។ ជាមួយគ្នានេះ ឯកឧត្តម ក៏បានបញ្ជាក់បន្ថែមដល់ក្រុមការងារទាំងអស់ត្រូវធ្វើរបាយការណ៍ជាប្រចាំអំពីលទ្ធផលវាស់វែង និងផលប៉ះពាល់ទាំងអស់ ដើម្បីធ្វើការបូកសរុបរបាយការណ៍ស្តីពីផលប៉ះពាល់ជូនគណៈកម្មការអន្តរក្រសួង។នាឱកាសនេះដែរ ឯកឧត្តម ក៏បានថ្លែងអំណរគុណដល់ក្រុមការងារទាំងអស់ដែលបានខិតខំយកអស់កម្លាំងកាយចិត្តដើម្បីអនុវត្តគម្រោងនេះប្រកបដោយប្រសិទ្ធភាពខ្ពស់ និងថ្លែងអំណរគុណបងប្អូនប្រជាពលរដ្ឋដែលរស់នៅតាមផ្លូវដែលរាជរដ្ឋាភិបាលបានគ្រោងនឹងសាងសង់នេះ ដោយមានការចូលរួមសហការជាមួយក្រុមការងារយ៉ាងសស្រាក់សស្រាំក្នុងការរុះរើសំណង់របស់ខ្លួនចេញឱ្យទាន់ពេលវេលា។ក្នុងនាមក្រុមការងារអន្តរក្រសួង ក៏ដូចជារដ្ឋបាលខេត្ត ឯកឧត្តម អភិបាលខេត្តបានស្នើដល់បងប្អូនបន្តចូលរួមសហការជាមួយអាជ្ញាធរគ្រប់លំដាប់ថ្នាក់ ដើម្បីឱ្យការអនុវត្តគម្រោងនេះប្រព្រឹត្តទៅតាមផែនការដែលបានគ្រោងទុក៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 3 ម៉ោងមុន