ថ្ងៃទី៣០ ខែកញ្ញា ឆ្នាំ២០២០ លោក ង៉ាន់ ភិរុណ អភិបាលរងខេត្តជាប្រធានក្រុមការងារទី៦ ស្តីពីការចុះសម្របសម្រួល និងរុះរើសំណង់ រំលោភលើផ្លូវ ដីចំណីផ្លូវ អូរ ប្រឡាយ និងចំណីផ្លូវស្ទឹងសៀមរាប តំណាងឯកឧត្តម ទៀ សីហា អភិបាល នៃគណៈអភិបាលខេត្ត បានដឹកនាំក្រុមការងារចុះពិនិត្យ និងសម្របសម្រួលលើការរុះរើសំណង់ និងសម្ភារផ្សេងៗទៀតរបស់បងប្អូនប្រជាពលរដ្ឋដែរប៉ះពាល់លើគម្រោងហេដ្ឋារចនាសម្ព័ន្ធទាំង ៣៨ខ្សែ ជាអំណោយដ៏ថ្លៃថ្លារបស់សម្តេចតេជោ នាយករដ្ឋមន្ត្រីបានប្រគល់ជូនខេត្តសៀមរាប ។ ក្នុងនោះក្រុមការងារបានចុះត្រួតផ្លូវក្នុសង្លាត់សាលាកំរើកចំនួន ២ខ្សែរួមមាន ៖-ផ្លូវលេខAD16 (ពីផ្លូវផ្សារទីហ៊ុយ ទៅប្រលាយកូរ៉េ) និង-ផ្លូវលេខAD21(ពីផ្លូវក្រោយផ្សារលើ មកដល់វីថីសម្តេចតេជោហ៊ុន សែន សន្តិភាព)ជាមួយគ្នានេះ ក្រុមការងារបានចុះពិនិត្យ ផ្សព្វផ្សាយ និងណែនាំដល់បងប្អូនប្រជាពលរដ្ឋដែលប៉ះពាល់លើផ្លូវទាំងពីរខ្សែនេះឱ្យចូលរួមសហការ និងរុះរេីសំណង់នានាដែលប៉ះពាល់លេីទំហំខ្សែផ្លូវ ដើម្បីក្រុមការងារបច្ចេកទេសអនុវត្តគម្រោងផ្លូវនេះបានរលូន។ ក្រុមការងារក៏បានថ្លែងអំណរគុណដល់បងប្អូនប្រជាពលរដ្ឋដែលរស់នៅតាមផ្លូវដែលរាជរដ្ឋាភិបាលបានគ្រោងនឹងសាងសង់នេះ ដោយមានការចូលរួមសហការជាមួយក្រុមការងារយ៉ាងសស្រាក់សស្រាំនិងសប្បាយរីករាយក្រែលែងក្នុងការរុះរើសំណង់របស់ខ្លួនចេញក្នុងពេលឆាប់ៗនេះ។ ក្នុងនាមក្រុមការងារ ជាពិសេស ឯកឧត្តម អភិបាលខេត្តសៀមរាប សូមស្នើដល់បងប្អូនបន្តចូលរួមសហការជាមួយអាជ្ញាធរគ្រប់លំដាប់ថ្នាក់ ដើម្បីឱ្យការអនុវត្តគម្រោងនេះប្រព្រឹត្តទៅតាមផែនការដែលបានគ្រោងទុក៕
