![](https://asset.cambodia.gov.kh/provincial/sites/22/2021/12/268340695_2926179731026658_1504162874710538223_n-1024x683.jpg)
ការប្រឡងចូលក្របខណ្ឌក្នុងឆ្នាំ២០២១ តាមផែនការកំណត់របស់ក្រសួងមុខងារសាធារណៈផ្តល់ក្របខណ្ឌថ្មីមករដ្ឋបាលខេត្តសៀមរាប ចំនួន ០៧ក្របខ័ណ្ឌ (ក្របខណ្ឌមន្រ្តីរដ្ឋបាលជាន់ខ្ពស់ ចំនួន ០២ក្របខ័ណ្ឌ ក្របខណ្ឌមន្ត្រីក្រមការ ចំនួន ០៣ក្របខ័ណ្ឌ និងក្របខ័ណ្ឌលេខាធិការរដ្ឋបាល ចំនួន ០២ក្របខ័ណ្ឌ) ដោយក្នុងនោះមានបេក្ខជន បេក្ខនារីបានដាក់ពាក្យសរុបចំនួន ៣៥៧នាក់ ស្រី ១៩៤នាក់ នៅក្នុងក្របខ័ណ្ឌមន្រ្តីរដ្ឋបាលជាន់ខ្ពស់ ចំនួន ៧៩នាក់ ស្រី ២៦នាក់ , ក្របខ័ណ្ឌក្រមការ ចំនួន ៩៩នាក់ ស្រី ៥៣នាក់ និង ក្របខ័ណ្ឌលេខាធិការរដ្ឋបាល ចំនួន ១៧៩នាក់ ស្រី ១១៥នាក់ ដោយបែងចែកជា ២៤បន្ទប់នៅវិទ្យាល័យអង្គរដូចខាងក្រោម ៖
ទី១.ក្របខ័ណ្ឌមន្រ្តីជាន់ខ្ពស់ មាន ០៥បន្ទប់
ទី២.ក្របខ័ណ្ឌមន្រ្តីក្រមការ មាន ០៧បន្ទប់
ទី៣ .ក្របខ័ណ្ឌលេខាធិការរដ្ឋបាល មាន ១២បន្ទប់
ឯកឧត្តម ទៀ សីហា អភិបាលខេត្ត និងជាប្រធានគណៈកម្មការរៀបចំការប្រឡងខេត្តសៀមរាប បានលើកឡើងថា បេក្ខជនទាំងពីរភេទ ត្រូវខិតខំយកចិត្តទុកដាក់ឲ្យបានខ្ពស់ នៅក្នុងពេលប្រឡង ហើយត្រូវបញ្ចេញឲ្យអស់នូវសមត្ថភាពរបស់ខ្លួន នូវចំណេះដឹងដែលបានសិក្សាកន្លងមករបស់ប្អូនៗ ព្រមទាំងត្រូវគោរពឲ្យបានល្អនូវបទបញ្ជា វិន័យក្នុងពេលប្រឡង ត្រូវរក្សាភាពស្ងៀមស្ងាត់ រក្សារបៀបរៀបរយនៅក្នុងពេលប្រឡង និងសេចក្តីថ្លៃថ្នូរ ហើយមិនត្រូវពិភាក្សាគ្នាឬចម្លងគ្នា ក្នុងម៉ោងប្រឡងឡើយ។ ម៉្យាងទៀតការប្រឡងជ្រើសរើសមន្ត្រីក្របខណ្ឌរដ្ឋបាលក្រសួងមហាផ្ទៃនាពេលនេះ គឺជាការបំពេញនូវក្របខ័ណ្ឌមន្ត្រីរដ្ឋបាល របស់ក្រសួងមហាផ្ទៃ ហើយក៏ជាឱកាសដ៏ប្រសើរ សម្រាប់ប្អូនៗជាបេក្ខជនទាំងអស់ ក្នុងការវាស់ស្ទង់នូវគំនិតយល់ដឹង ចំណេះដឹង ពីសមត្ថភាពរបស់ក្មួយៗ ដើមី្បយកទៅបម្រើការងារនៅក្នុងក្របខ័ណ្ឌមន្ត្រីរាជការរដ្ឋបាល នៃក្រសួងមហាផ្ទៃ សម្រាប់ទៅថ្ងៃអនាគត។
ជាមួយគ្នានេះក្នុងពេលប្រឡងនេះប្អូនៗ ត្រូវយកចិត្តទុកដាក់ខ្ពស់ក្នុងការអនុវត្តន៍វិធានការរបស់រាជរដ្ឋាភិបាល ៣កុំ ៣ការពារ និង ការណែនាំរបស់ក្រសួងសុខាភិបាល ទោះបីយើងបានទទួលការចាក់វ៉ាក់សាំងបានគ្រប់ដូសក៏ពិតមែន តែយើងត្រូវតែអនុវត្តន៍ បន្តនូវវិធានការការ៣កុំ ៣ការពារ និងរៀនរស់នៅទៅតាមគន្លងបែបថ្មី ក្នុងបរិបទកូវីដនេះ ។
ក្នុងការប្រឡងនេះ គឺបានប្រព្រឹត្តទៅមួយព្រឹកពេញ ប្រកបដោយភាពរលូន និង ទទួលបានជោគជ័យ ទៅតាមការកំណត់នៃកម្មវិធីរបស់ក្រសួងមហាផ្ទៃ៕