ក្នុងឱកាសនេះបើកវគ្គនេះផងដែរ លោក នាយករងរដ្ឋបាលសាលាខេត្ត បានមានមតិស្វាគមន៍ និងចែករំលែកបទពិសោធន៍ ពាក់ព័ន្ធនឹងកិច្ចការរដ្ឋបាលមួយចំនួន ក៏ដូចជាការសិក្សាស្រាវជ្រាវជាប្រចាំលើលិខិតបទដ្ឋានគតិយុត្តថ្មីៗ ដើម្បីជាទុនមុននឹងការរៀបចំសរសេរសុន្ទរកថាផងដែរ។ លោកបានណែនាំ និងបានផ្ដាំផ្ញើដល់អ្នកចូលរួមទាំងអស់ត្រូវគោរពវិន័យក្នុងពេលចូលរួមវគ្គ យកចិត្តទុកដាក់លើការចែករំលែកមេរៀនរបស់អ្នកសម្របសម្រួលឱ្យបានខ្ជាប់ខ្ជួន និងត្រៀមយកចំណេះដឹង បទពិសោធន៍ថ្មីៗទៅអនុវត្តការងារឱ្យទទួលបានលទ្ធផលល្អប្រសើរ។
គួរបញ្ជាក់ផងដែរ៖ វគ្គបណ្ដុះបណ្ដាលនេះ មានរយៈពេល ១៦ម៉ោង ដោយសហការរៀបចំដោយទីចាត់ការគ្រប់គ្រងធនធានមនុស្ស ជាមួយនឹងទីចាត់ការរដ្ឋបាល សាលាខេត្ត ដែលនឹងប្រព្រឹត្តទៅចំនួន ៤សប្ដាហ៍(១សប្ដាហ៍៤ម៉ោង) រៀងរាល់ពេលព្រឹកថ្ងៃសុក្រ ចាប់ផ្ដើមពីថ្ងៃទី១៨ ខែសីហា ឆ្នាំ២០២៣។