![](https://asset.cambodia.gov.kh/provincial/sites/22/2023/10/385919012_667235878884075_2623539265578728085_n-1024x768.jpg)
លោកស្រី ម៉ននី រង្សី អភិបាលរងខេត្តសៀមរាប បានថ្លែងថា បច្ចុប្បន្ន ប្រទេសជាតិមានសុខសន្តិភាព ទើបមានការអភិវឌ្ឍ ហើយយើងក៏មានឱកាសបានធ្វើបុណ្យធ្វើទានជួបជុមគ្នាទៅតាមទំលៀមទំលាប់ប្រពៃណីពីបូរុមបូរាណ ជាក់ស្តែងនាពេលនេះ យើងទាំងអស់គ្នា បានមកធ្វើបុណ្យកាន់បិណ្ឌ ដើម្បីឧទ្ទិសជូនដល់មាតាបិតារបស់យើងតាមរយៈព្រះសង្ឃ ដែលជាស្រែបុណ្យ ក្នុងរដូវកាលបុណ្យកាន់បិណ្ឌ និងភ្ជុំបិណ្ឌនេះ នឹងសូមឲ្យអំណាចនៃអានិសង្ឃនេះជួយទ្រទ្រង់នៅវិញ្ញាណក្ខន្ធអ្នកទាំងនោះ ឲ្យបានទៅកាន់ទីឋានបរមសុខក្នុងឋានសុគតិភពកុំបីអាក់ខានឡើយ។ លោកស្រី បន្តថា ក្រោមការដឹកនាំប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនៅយុទ្ធសាស្ត្របញ្ចកោណដូចជាហេដ្ឋារចនាសម្ព័ន្ធទាំងផ្នែកអាណាចក្រ និងពុទ្ធចក្រ ដូចជា ផ្លូវថ្នល់ ស្ពាន ទំនប់ទឹក ប្រឡាយ សាលារៀន មន្ទីរពេទ្យ ស្រះទឹក អណ្តូងទឹកព្រះវិហារ ឧបដ្ឋានសាលា សេនាសនៈ និងពិធីសាសនា នានាជាដើម។ ត្រូវបានស្តារ និងអភិវឌ្ឍន៍ឡើងវិញយ៉ាងឆាប់រហ័សនឹកស្មានពុំដល់ ពិសេសព្រះពុទ្ធសាសនាត្រូវបានកំណត់ក្នុងរដ្ឋធម្មនុញ្ញថា ជា«សាសនារបស់រដ្ឋ» ហើយបច្ចុប្បន្នវិស័យពុទ្ធិកសិក្សា ក៏មានការរីកចម្រើនជាបន្តបន្ទាប់ ដោយយើងមានសាលាធម្មវិន័យ ចាប់ពីថ្នាក់ត្រី ថ្នាក់ទោ ថ្នាក់ឯក និងសាលាពុទ្ធិកបឋមសិក្សា រហូតដល់ពុទ្ធិកវិទ្យាល័យ និងមានពុទ្ធិកសាកលវិទ្យាល័យថែមទៀតផង ។
សូមបញ្ជាក់ថា ទេយ្យទាន និងបច្ច័យសម្រាប់វត្ត ក្នុង១វត្តៗ ទទួលបាន៖ ២,០០០,០០០.០០៛ អង្ករ ៥បេ មី ៥កេសតូច ទឹកសិទ្ធ ១០កេស ទឹកក្រូច ១០កេស ទឹកត្រី ៤យួរ ទឹកស៊ីអ៊ីវ ៤យួរ ត្រីខកំប៉ុង ១កេស តែ ៥កញ្ចប់ ទឹកដោះគោ ១កេស ស្ករស ១០គឺឡូក្រាម ស្លាដក់ប្រគេនព្រះសង្ឃ ១សូង បច្ច័យប្រគេនជៅអធិការវត្ត ១អង្គ ១០០,០០០.០០៛ បច្ច័យសម្រាប់អាចារ្យ ២នាក់ ម្នាក់ៗ៤០,០០០៛ បច្ច័យសម្រាប់យាយជីតាជី ១០នាក់ ម្នាក់ៗ២០,០០០៛ ក្រណាត់ស ១០ដុំ ទៀនធំ ២ដើម ធូបធំ ២ដុំ បច្ច័យសម្រាប់រាប់បាត ១០០,០០០.០០៛ និងលោក លីវ សុខុន ប្រធានមន្ទីរព័ត៍មានខេត្ត បានចូលបុណ្យកាន់បិណ្ឌនៅក្នុងវត្តវេឡូវ័ន្តដោយប៉ោយគោលក្រោល ឃុំជ្រោយនាងងួន ស្រុកស្រីស្នំ ខេត្តសៀមរាបចំនួន ១៧ម៉ឺនរៀលផងដែរ៕
+31