![](https://asset.cambodia.gov.kh/provincial/sites/22/2024/03/423237149_762543512686644_4510630106450380165_n-1024x683.jpg)
កិច្ចប្រជុំនេះ មានគោលបំណងដើម្បីតាមដាន ត្រួតពិនិត្យ និងដោះស្រាយបញ្ហាប្រឈមនានាដែលបានកើតឡើងក្នុងការងារពាក់ព័ន្ធនឹងការអភិវឌ្ឍសមត្ថភាព។ គួរបញ្ជាក់ផងដែរ ផ្នែកតាមសេចក្ដីណែនាំលេខ ០២៤សណន/គ.ជ.អ.ប. ចុះថ្ងៃទី១២ ខែមិថុនា ឆ្នាំ២០១៥ របស់គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដើម្បីផ្ដល់ការគាំទ្រដល់រដ្ឋបាលថ្នាក់ក្រោមជាតិក្នុងការអភិវឌ្ឍសមត្ថភាពស្ថាប័ន និងបុគ្គលិក សំដៅឆ្លើយតបទៅនឹងតម្រូវការជាក់ស្ដែងនៅតាមរដ្ឋបាលនីមួយៗនៃរដ្ឋបាលថ្នាក់ក្រោមជាតិ និងតម្រូវការពីថ្នាក់ជាតិ តាមរយៈការរៀបចំឱ្យមានមណ្ឌលអភិវឌ្ឍន៍ធនធានមនុស្សរាជធានី ខេត្ត។
មណ្ឌលនេះ ត្រូវដឹកនាំដោយគណៈកម្មាធិការគ្រប់គ្រងមណ្ឌលមួយដែលមានសមាសភាព អភិបាលរងខេត្ត ០១រូប ជាប្រធាន សមាជិក សមាជិកាក្រុមប្រឹក្សាខេត្ត ០២រូប ជាសមាជិក នាយករងរដ្ឋបាលសាលាខេត្ត ០១រូប ជាសមាជិក នាយកឬនាយករងទីចាត់ការគ្រប់គ្រងធនធានមនុស្ស ០១រូប ជាសមាជិក និងប្រធានការិយាល័យកសាងសមត្ថភាព ជាលេខាធិការ។ ទន្ទឹមនឹងនេះ ការិយាល័យកសាងសមត្ថភាពនៃទីចាត់ការគ្រប់គ្រងធនធានមនុស្សសាលាខេត្ត ធ្វើជាសេនាធិការជូនគណៈកម្មាធិការគ្រប់គ្រងមណ្ឌលអភិវឌ្ឍន៍ធនធានមនុស្សខេត្តផងដែរ។