រដ្ឋបាលខេត្តសៀមរាប

Siemreap Administration
ស្វែងរក

រដ្ឋបាលស្រុកសូទ្រនិគមរៀបចំ វេទិកាសាធារណៈរបស់រាជរដ្ឋាភិបាលកម្ពុជា ដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា

នៅព្រឹកថ្ងៃពុធ ទី១៥ ខែកក្កដា ឆ្នាំ២០២០ ក្រុមការងារ រាជរដ្ឋាភិបាលចុះជួយមូលដ្ឋានស្រុកសូទ្រនិគមបានប្រារព្ធវេទិកាសាធារណៈរបស់រាជរដ្ឋាភិបាល ដើម្បីត្រួតពិនិត្យ និងគាំទ្រការអនុវត្តកម្មវិធីគោលនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្រោមអធិបតីភាព ឯកឧត្ដម ឯក វណ្ណឌី រដ្ឋលេខាធិការធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមការងារថ្នាក់ជាតិចុះមូលដ្ឋានស្រុកសូទ្រនិគម ឯកឧត្តមឧត្តមសេនីយ៍ឯក ប៊ូ ផាន់សារី អគ្គនាយករង អគ្គនាយកដ្ឋានភស្ថុភារនិងហិរញ្ញវត្ថុ អនុប្រធានក្រុមការងារ ឯកឧត្តមឧត្តមសេនីយ៍ឯក ម៉ៅ សេង មេបញ្ជាការរង និងជាស្នងការ នៃស្នងការដ្ឋានបច្ចេកទេសបញ្ជាការដ្ឋានកងទ័ពជើងអាកាស ជាសមាជិក ឯកឧត្ដម គង់ មុនី មេបញ្ជាការរងបញ្ជាការដ្ឋានកងទ័ពជើងអាកាស ជាសមាជិក លោក ម៉ក់ ប្រុស អភិបាលនៃគណៈអភិបាលស្រុកនិងជាអនុប្រធានអចិន្ត្រៃយ៍ លោកស្រី ងិន មុំ ប្រធានក្រុមប្រឹក្សាស្រុកចូលរួមជាគណៈធិបតី លោក លោកស្រីសមាសភាពក្រុមការងារចុះមូលដ្ឋានស្រុកសូទ្រនិគម បានចូលរួមជាភ្ញៀវកិត្តិយស ដោយមានការចូលរួមពីមន្ត្រីរាជការតាមបណ្តាការិយាល័យ អង្គភាពចំណុះសាលាស្រុក និងជំនាញជុំវិញស្រុក លោក លោកស្រីក្រុមប្រឹក្សាស្រុក ក្រុមប្រឹក្សាឃុំ ស្មៀនឃុំ អង្គការ សង្គមស៊ីវិល វិស័យឯកជន អាជីវករ និងប្រជាពលរដ្ឋមកពីបណ្តាឃុំក្នុងស្រុក។ឯកឧត្ដមគណៈធិបតីបានមានប្រសាសន៍បើកអង្គវេទិកាបានពន្យល់ពីវេទិកាខាងលើនេះពិតជាមានសារៈសំខាន់ណាស់ដល់ក្រុមការងារ និងបងប្អូនប្រជាពលរដ្ឋដើម្បីដោះស្រាយបញ្ហាប្រឈមដែលកើតមានឡើងក្នុងមូលដ្ឋានស្រុក និងពាំនាំនូវបញ្ហាប្រឈមនិងសំណូមពររបស់បងប្អូនប្រជាពលរដ្ឋជូនរាជរដ្ឋាភិបាល បានជ្រាបនិងដោះស្រាយទាន់ពេលវេលាក្នុងករណីបញ្ហានោះលើសដែនសមត្ថកិច្ចរបស់ក្រុមការងារផងដែរ។ វេទិកាខាងលើនេះបានឆ្លើយតបនឹងសំណួរពីបងប្អូនប្រជាពលរដ្ឋដែលបានលើកឡើងក្នុងវេទិកាសំណួរ ចម្លើយ កើតមាននៅក្នុងមូលដ្ឋានស្រុក ដោយបានពន្យល់និងដោះស្រាយបញ្ហាខាងលើភ្លាមៗជូនអង្គវេទិកាទាំងមូលបានជ្រាប។វេទិកាថ្នាក់ជាតិនេះបានប្រព្រឹត្តទៅប្រកបដោយបរិយាកាសរីករាយក្រៃលែង។

អត្ថបទទាក់ទង