រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

អនុសាខាកាកបាទក្រហមស្រុកក្រឡាញ់នាំយកអំណោយមនុស្សធម៌ជូនដល់មណ្ឌលកុមារកំព្រាដំណឹងល្អ

ដោយ អ៊ុក ពិស្តារចំនួនទស្សនា (18)

ថ្ងៃសុក្រ ១៤ កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែតុលា ឆ្នាំ២០២០ លោក ឃុត សំអាត ប្រធានគណ:កិត្តិយស លោកស្រី ម៉ននី រង្សី ប្រធានគណៈកម្មាធិការអនុសាខា អនុប្រធាន មន្ត្រីប្រចាំការ និងសមាជិកសហភាពសហព័ន្ធយុវជនកម្ពុជាស្រុក បាននាំយកអំណោយមនុស្សធម៌ ជូនដល់ មណ្ឌលកុមារកំព្រាដំណឹងល្អទាំងបួន មានមនុស្សស្នាក់នៅសរុបចំនួន ១៤នាក់ ស្រី ០៥នាក់ ក្នុងនោះមានកុមារចំនួន ០៧នាក់ ស្រី ០២នាក់ ដែលទទួលរងផលប៉ះពាល់ដោយជំនន់ទឹកភ្លៀងលិចបរិវេណមណ្ឌលត្រឹមក្បាលជង្គង់ មានទីលំនៅបច្ចុប្បន្ន ភូមិក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប។នាឱកាសនោះ លោកស្រីបានពាំនាំនូវការផ្តាំសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលតែងតែយកចិត្តទុកដាក់គិតគូរចំពោះប្រជាពលរដ្ឋគ្រប់រូប មិនប្រកាន់ វណ្ណៈ ព័ណ៌សម្បុរ សាសនា ឬនិន្នាការនយោបាយណាមួយឡើយ និងមិនទុកអ្នកណាចោល នៅពេលប្រជាពលរដ្ឋជួបការលំបាក។ លោកស្រីបានលើកឡើងទៀតថា ដោយក្នុងឃុំយើងកំពុងតែកើតមានឡើងនូវជំនន់ទឹកភ្លៀង សូមអ្នកគ្រប់គ្រងមណ្ឌល មានការប្រុងប្រយ័ត្នខ្ពស់ចំពោះកុមារ ជៀសវាងមានហេតុការអាក្រក់កើតមានចំពោះកូនៗកុមារ ព្រោះស្ថានភាពទឹកជំនន់បានកំពុងបន្តជន់ឡើង ដោយស្រុងមកពីប៉ែកខាងលើភូមិសាស្រ្តស្រុក។អំណោយមនុស្សធម៌ដែលផ្តល់ជូនមាន៖ អង្ករ ១០០គីឡូក្រាម មី៤កេស ត្រី៤ ១យួរ ទឹកសុទ្ធ ៨យួរ ទឹកត្រី ៤យួរ ទឹកស៊ីអ៊ីវ ៤យួរ សាប៊ូ Protex ៨ដុំ ថវិកា ១សែនរៀល និងថវិកាចូលរួមរបស់លោក ប៉ែន ប៊ុនរិទ្ធ សមាជិកក្រុមប្រឹក្សាស្រុក ចំនួន ៥ម៉ឺនរៀល ព្រមទាំងភេសជ្ជៈរបស់ ស.ស.យ.ក ចំនួន ០៤កេស។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 3 ម៉ោងមុន