សិក្ខាសាលានេះរៀបចំឡើង ដើម្បីបង្កើនការយល់ដឹងទៅលើការបង្កើនភាពអង់អាច ជាលក្ខណៈបុគ្គល និងក្រុម របៀបប្រើប្រាស់ថេប្លេត (Tablet) និងរបៀបថតរូបសន្លឹក ព្រមទាំងធ្វើការពិនិត្យមើលព័ត៌មានស្តីពី ការសង្កេតស្ថានភាពសេដ្ឋកិច្ច សង្គមកិច្ចដោយគិតគូពីទស្សនៈយេនឌ័រ (អង្កេតមូលដ្ឋាន)។
លោកស្រី យូ សុភា អភិបាលរងខេត្ត និងជាប្រធានក្រុមការងារថ្នាក់ខេត្ត បានជំរុញឱ្យថ្នាក់ដឹកនាំ និងមន្រ្តីជំនាញតាមមន្ទីរនីមួយៗ ដែលជាអ្នកអនុវត្តគម្រោង បន្តយកចិត្តទុកខ្ពស់លើការចូលរួមសម្របសម្រួលក៏ដូចជាការផ្តល់នូវធាតុចូលសំខាន់ៗដល់សមាជិកដែលជាអ្នកទទួលផលពីគម្រោងនៅសហគមន៍ទេសចរណ៍ខ្នារពោធិ៍ ក្នុងការបង្កើនភាពអង់អាចក្នុងការកំណត់និងគ្រប់គ្រងតម្រូវការ និងការផ្គត់ផ្គង់សេវាសកម្មនៅក្នុងសហគមន៍ឱ្យបានសមរម្យ និងល្អប្រសើរ ដើម្បីធ្វើការទាក់ទាញភ្ញៀវទេសចរណ៍ឱ្យមកទស្សនាសហគមន៍របស់ពួកគេប្រកបដោយទំនុកចិត្ត និងមានភាពទាក់ទាញអ្នកទេសចរណ៍ដទៃទៀតជាបន្តបន្ទាប់។ បន្ថែមពីនេះ លោកស្រី ក៏បានជំរុញ និងលើកទឹកឱ្យមន្រ្តីអនុវត្តគម្រោងទាំងអស់រក្សានូវសុវត្ថិភាព ក្នុងការទប់ស្កាត់ការីករាលដាលនៃជំងឺកូវីដ-១៩ ដោយត្រូវអនុត្តនូវវិធានការ ៣ការពារ និង៣កុំឱ្យបានខ្ជាប់ខ្ជួនជានិច្ច៕