នាថ្ងៃទី២៥ ខែធ្នូ ឆ្នាំ២០២៤នេះ នៅផ្សារធម្មជាតិរុនតាឯក ភូមិតានី សង្កាត់រុនតាឯក សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបានចុះជួបសំណេះសំណាល សួរសុខទុក្ខ និងចែកអំណោយមនុស្សធម៌ជូនដល់ប្រជាជនងាយរងគ្រោះបំផុតចំនួន ១.៤០៩គ្រួសារ រស់នៅក្នុងភូមិចំនួន១៦ នៃសង្កាត់បល្ល័ង្ក និងសង្កាត់រុនតាឯក ក្រុងរុនតាឯកតេជោសែន ខេត្តសៀមរាបដោយមានការអមដំណេីរដោយឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ។
ឯកឧត្តម ប្រាក់ សោភ័ណ ក្នុងឆ្នាំ២០២៤នេះ សាខាកាកបាទក្រហមកម្ពុជា ខេត្តសៀមរាប បានធ្វើសកម្មភាពមនុស្សធម៌ក្នុងភូមិសាស្ត្រខេត្ត ដោយអនុវត្តតាមយុទ្ធសាស្ត្រ ២០២១-២០៣០ របស់កាកបាទក្រហមកម្ពុជា ជាលទ្ធផលរួមមាន៖ ១- ការងារគ្រប់គ្រងគ្រោះមហន្តរាយ៖ -ចែកអំណោយសរុប២៥១៧គ្រួសារ ក្នុងនោះ -គ្រួសារងាយរងគ្រោះចំនួន១៨៤២ គ្រួសារនិងពិការ៣១នាក់ (រទេះ២ ឈើច្រត់១០) -គ្រួសាររងគ្រោះដោយមហន្តរាយ៦៧៥គ្រួសារ ២- ការស្តារឡើងវិញ៖ -សង់ផ្ទះជូនគ្រួសារក្របំផុត ចំនួន៤ខ្នង -ជួសជុលផ្ទះចំនួន១ខ្នង -ឧបត្ថម្ភសង្កសីដល់គ្រួសាររងគ្រោះដោយខ្យល់កន្រ្តាក់ចំនួន៤៩២៦សន្លឹក។ ៣- ការងារសុខភាព៖ -សួរសុខទុក្ខនិងចែកអំណោយជូនមាតា និងទារកចំនួន២៤៦នាក់ និងភ្លោះចំនួន១៤នាក់ -សួរសុខទុក្ខនិងចែកអំណោយអ្នកជម្ងឺអេដស៍ចំនួន៣០នាក់ -បញ្ជូនយុវជនកាកបាទក្រហមកម្ពុជា៨នាក់ចូលរួមវេទិកាយុវជនស្តីពីអេដស៍នៅខេត្តព្រះសីហនុ -ផ្សព្វផ្សាយនិងបណ្តុះបណ្តាលវិជ្ជាសង្គ្រោះបឋមបាន១០៤៩នាក់ ៤- ការងារអភិវឌ្ឍសាខា៖ -បណ្តុះបណ្តាលអ្នកស្ម័គ្រចិត្រ១១៣នាក់ -បណ្តុះបណ្តាលយុវជនកាកបាទក្រហម៣១៦ នាក់ -យុវជនកាកបាទក្រហមកម្ពុជាចូលរួមបោះជំរំ១៤នាក់។
សូមបញ្ជាក់ថា៖ ស្បៀង សម្ភារ ថវិកា ជាអំណោយរបស់សប្បុរសជន តាមរយៈកាកបាទក្រហមកម្ពុជា ក្នុងនោះ សៀវភៅនិងប៊ិក ជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត, ប្រេងឆា និងម៉្សៅសាប៊ូ ជាអំណោយរបស់លោកអ្នកឧកញ៉ា ភាព ហៀក, មីម៉ាម៉ា ជាអំណោយរបស់លោកអ្នកឧកញ៉ា ភូ ហុងសួន ស៊ីគង់ទ្រីវ, ភេសជ្ជៈបាកាស ជាអំណោយរបស់ អ្នកឧកញ៉ា សុខ សំណាង និងលោកជំទាវ ស៊ីម សុនិមល, ស្ករស ជាអំណោយរបស់លោកជំទាវឧកញ៉ា លឹម ស្រីពៅ, នំប៉័ង និងទឹកសុទ្ធ ជាអំណោយរបស់សាខាកាកបាទក្រហមកម្ពុជា ខេត្តសៀមរាប។ គ្រួសារនីមួយៗទទួលបាន៖ អង្ករ ៣០គីឡូក្រាម, មីម៉ាម៉ា ១កេស, ត្រីខ ១០កំប៉ុង, ទឹកស៊ីអ៊ីវ ៦ដប, ប្រេងឆា ១ដប, ស្ករស ២គីឡូក្រាម, ម៉្សៅសាប៊ូ ១ថង់, ភេសជ្ជៈបាកាស ៦កំប៉ុង, ឃីត (សារុង ក្រមា មុង ភួយ) ១កញ្ចប់, នំប៉័ង ១ដើម, ទឹកសុទ្ធ ១ដប និងថវិកា ២ម៉ឺនរៀល។ ដោយឡែក ជូនសិស្សានុសិស្សមកពីវិទ្យាល័យចំនួន៤ និងបឋមសិក្សាចំនួន១៣ សរុបចំនួន ៧.៥៦១នាក់ ក្នុងម្នាក់ៗទទួលបាន៖ សៀវភៅ ២ក្បាល ប៊ិក ១ដើម និងថវិកា ១ម៉ឺនរៀល។
ជាមួយគ្នានេះដែរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាបានឧបត្ថម្ភថវិកា ៥ម៉ឺនដុល្លារអាម៉េរិក ដល់សាខាកាកបាទក្រហមកម្ពុជា ខេត្តសៀមរាប ដើម្បីជួយក្នុងការសាងសង់អគាររដ្ឋបាល និងរបងព័ទ្ធជុំវិញ សម្រាប់អនុសាខាកាកបាទក្រហមកម្ពុជា ក្រុងរុនតាឯកតេជោសែន៕
