![](https://asset.cambodia.gov.kh/provincial/sites/22/2021/12/267144122_2919889154989049_5754846308649944104_n-1024x682.jpg)
លោក រ័ត្ន រស្មី នាយកសាលាវេសហ្គេតអន្តរជាតិ បានសម្តែងនូវការដឹងគុណដ៏ជ្រាលជ្រៅបំផុតក្នុងនាមថ្នាក់ដឹកនាំគ្រប់ គ្រងគ្រឹះស្ថានសិក្សាឯកជន និង ក្នុងនាមមាតាបិតាសិស្ស និងសិស្សគ្រប់កម្រឹតថ្នាក់ ចំពោះនយោបាយយុទ្ធសាស្រ្តដឹកនាំដ៏ឈ្លាសវៃនៃសម្តេចតេជោប្រមុខរាជរដ្ឋាភិបាលកម្ពុជា តាមរយៈនៃដំណោះស្រាយផ្តល់វ៉ាក់សាំង ជូនប្រជាជនកម្ពុជា ឲ្យបានរួចចាកផុតពីភ័យវិបត្តិ និង បង្កើតបានឱកាសពេញលេញ សម្រាប់វិស័យអប់រំសិក្សា បានដំណើរការឡើងវិញ ពិសេសគឺឱកាសសិក្សារៀនសូត្ររបស់សិស្សានុសិស្ស និង និស្សិត ដែលជាទំពាំងស្នងឬស្សី បន្តវេន បម្រើ និង អភិវឌ្ឍប្រទេសជាតិសម្រាប់ ទៅថ្ងៃអនាគត។ យោងតាមរបាយការណ៍របស់សាលាបានបញ្ជាក់ថា ឆ្នាំសិក្សាកន្លងមកនេះ ក្រោមផលប៉ះពាល់យ៉ាងខ្លាំងដោយជម្ងឺរាតត្បាតកូវីដ-១៩ សាលាបានរៀបចំផ្តល់ការសិក្សាអប់រំពីចំងាយ និង តាមប្រព័ន្ធអេឡិចត្រូនិច ពីកំរិតមត្តេយ្យសិក្សាដល់កំរិតមធ្យមសិក្សា ។
ជាលទ្ធផលសំរាប់សិស្សបឋមសិក្សាបានប្រឡងជាប់លើសពី៩៥% សិស្សកំរិតមធ្យមសិក្សាប្រឡងជាប់លើសពី៩៨% ដោយឡែកសិស្សដែលបានប្រឡងជាប់ថ្នាក់មធ្យមសិក្សាបឋមភូមិមាន៩៨% ក្នុងនោះសិស្សទទួលបាននិទ្ទេសល្អចំនួន១១នាក់ និទ្ទេសល្អបង្គួរចំនួន១៩ នាក់ ។ ដើម្បីផ្ដល់កម្លាំងចិត្តឲ្យក្មួយៗ នៅឆ្នាំសិក្សាបន្ទាប់នេះ គណៈគ្រប់គ្រងសាលា បានសម្រេចប្រគល់អាហារូបករណ៏៥០% សម្រាប់សិស្សដែលមាននិទ្ទេសល្អ និង៤៥% សម្រាប់និទ្ទេសល្អបង្គួរ ៕
+10
ចែករំលែក 12
ចូលចិត្ត
មតិ
ចែករំលែក