នារសៀលថ្ងៃទី២០ ខែតុលា ឆ្នាំ២០២២ លោកស្រី ម៉ននី រង្សី អភិបាលរងខេត្ត តំណាងដ៏ខ្ពង់ខ្ពស់របស់ឯកឧត្តម ទៀ សីហា អភិបាល នៃគណៈអភិបាលខេត្ត បានអញ្ជើញចូលរួមក្នុងកម្មវិធីចែកអំណោយរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រោមអធិបតីភាព ឯកឧត្តម សុខ ប៊ុនថា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា តំណាងដ៏ខ្ពង់ខ្ពស់ ឯកឧត្តម វង សូត្រ រដ្ឋមន្រ្តីក្រួសួងសង្គមកិច្ច អតីតយុទ្ធជន និងយុវនីតិសម្បទា ព្រមទាំងមានការចូលរួមពីមន្ទីរ-អង្គភាពពាក់ព័ន្ធនានា ជុំវិញខេត្តផងដែរ។ក្នុងនោះ ប្រជាពលរដ្ឋរងគ្រោះដោយគ្រោះមហន្តរាយដោយធម្មជាតិ ជំនន់ទឹកភ្លៀង​ សរុបចំនួន ១០០គ្រួសារ មកពីឃុំសំបួរ ចំនួន ២០គ្រួសារ ឃុំក្រឡាញ់ ចំនួន ៥០គ្រួសារ និងឃុំកំពង់ថ្កូវ ចំនួន ២០គ្រួសារ ក្នុងស្រុកក្រឡាញ់​ ដោយក្នុង​ ០១គ្រួសារ​ ទទួលបាន អង្ករ ២៥គីឡូក្រាម មីជាតិ ០១កេស ទឹកស៊ីអ៊ីវ ០១យួរ ទឹកត្រី ០១យួរ ត្រីខ ០១យួរ និងថវិកា ២០,០០០ រៀល។