កាលពីព្រឹកថ្ងៃទី២១ ខែតុលា ឆ្នាំ២០២២ លោកស្រី ម៉ននី រង្សី អភិបាលរងខេត្ត តំណាងដ៏ខ្ពង់ខ្ពស់របស់ឯកឧត្តម ទៀ សីហា អភិបាល នៃគណៈអភិបាលខេត្ត បានអញ្ជើញចូលរួមក្នុងកម្មវិធីចែកស្បៀង គ្រឿងឧបភោគ បរិភោគ និងគ្រាប់ពូជស្រូវរបស់រាជរដ្ឋាភិបាលកម្ពុជា ជូនដល់ប្រជាពលរដ្ឋដែលទទួលរងគ្រោះដោយគ្រោះទឹកជំនន់ ក្នុងស្រុកក្រឡាញ់ខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ព្រមទាំងមានការចូលរួមពី ប្រធានក្រុមប្រឹក្សាស្រុក អភិបាលស្រុក មន្ទីរ-អង្គភាពពាក់ព័ន្ធនានា កងកម្លាំងប្រដាប់អាវុធ និងមន្រ្តីរាជការ សរុបប្រមាញ់ ៦០នាក់។ដោយក្នុងនោះកម្មវិធីចែកគ្រាប់ ពូជស្រូវជូនដល់គ្រួសារដែលមានផ្ទៃដីស្រែខូចខាត ដើម្បីយកទៅស្ដារឡើងវិញ មានចំនួន២ទីតាំង សរុប ចំនួន ៩២២គ្រួសារ មាន៣ឃុំ គឺឃុំសំបួរ ឃុំចន្លាស់ដៃ ឃុំស្រណាល ដែលប្រារព្វធ្វើឡើងតាមកម្មវិធីដូចខាងក្រោម៖ -ទីតាំងទីមួយ នៅវត្ដដំណាក់ខ្ចាស់ ឃុំសំបួរ ប្រជាពលរដ្ឋដែលទទួលបានស្រូវពូជ ៤៥០គ្រួសារ-ទីតាំងទី២ នៅវត្ដខ្មារតេជោរ ឃុំចន្លាស់ដៃ ប្រជាជនមកទទួលស្រូវពូជចំនួន២ឃុំ (ឃុំចន្លាស់ដៃ ៣៤០គ្រួសារ ឃុំស្រណាល ១៣២គ្រួសារ) សរុបរួមចំនួន ៩២២គ្រួសារ ស្មើនិងពូជស្រូវចំនួន ៧៤៩០០គីឡូក្រាមផងដែរ។