រដ្ឋបាលខេត្តសៀមរាបបានទទួលអំណោយជាគ្រឿងឧបភោគបរិភោគ ពីសាសនាចក្រនៃព្រះយេស៊ូគ្រីស្ទនៃពួកបរិសុទ្ធថ្ងៃចុងក្រោយ

ថ្ងៃទី ២៤ ខែតុលាឆ្នាំ ២០២១ នៅសាលាខេត្តសៀមរាប លោកស្រីយូ សុភា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប បានជួបសំដែងការគួរសម និងទទួលអំណោយពីសាសនាចក្រនៃព្រះយេស៊ូគ្រីស្ទ នៃពួកបរិសុទ្ធថ្ងៃចុងក្រោយ ដែលមានការអញ្ជើញចូលរួមពីប្រធានមន្ទីរធម្មការ មន្ទីរសាសនាខេត្ត និងមន្ទីរសុខាភិបាល។ក្នុងជំនួបពិភាក្សានោះ ក្នុងនាម ឯកឧត្តម ទៀ សីហា អភិបាល នៃគណៈអភិបាលខេត្ត លោកស្រីយូ សុភា បានថ្លែងអំណរគុណយ៉ាងជ្រាវជ្រៅចំពោះ លោកលោកស្រីដែលជាសមាជិកសាសនាចាក់នៃព្រះយេស៊ូគ្រីសនៃពួកបរិសុទ្ធថ្ងៃចុងក្រោយដែលបាននាំយកអំណោយ ជូនដល់រដ្ឋបាលខេត្តសៀមរាបសម្រាប់ចែកជូនប្រជាពលរដ្ឋដែលរងគ្រោះដោយសារទឹកជំនន់ចំនួន ៥០០គ្រួសារ ផងដែរ។ អំណោយរួមមានអង្ករចំនួន ៥០០ការ៉ុង មី ៥០០កេះតូច ទឹកត្រី ៥០០យួរ ទឹកសាអ៉ីវ ៥០០យួរ ត្រីខ ៥០០យួរ ប្រេងឆា ៥០០ដប៕