ព្រឹកថ្ងៃទី ២៩ ខែតុលា ឆ្នាំ២០២២ លោកស្រី ម៉ននី រង្សី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលនៃគណ:អភិបាលខេត្ត បានអញ្ជើញចូលរួមក្នុងកម្មវិធីចែកអំណោយជូនដល់ប្រជាពលរដ្ឋ ចំនួន ៥១៥គ្រួសារ ក្រោមអធិបតីភាព ឯកឧត្តម រ័ត្ន សុវណ្ណរៈ ឧបការទេសាភិបាល នៃធនាគារជាតិកម្ពុជា ដោយមានការចូលរួមពីលោក រិន ឡូត អភិបាលរងស្រុកក្រឡាញ់ មន្ទីរ អង្គភាពពាក់ព័ន្ធ ក្រុមការងារនៃធនាគារជាតិនៃកម្ពុជា មេឃុំ មេភូមិពាក់ព័ន្ធ រួមទាំងសមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងតំណាងក្រុមហ៊ុនក្រេឌីត ប្យួរ៉ូ (ខេមបូឌា) ខូអិលធីឌីផងដែរ ។ មានប្រសាសន៍ក្នុងឱកាសនោះដែរ លោកស្រី ម៉ននី រង្សី ក៏បានធ្វើការផ្តាំផ្ញើរដល់បងប្អូនប្រជាពលរដ្ឋដោយត្រូវខិតខំប្រឹងប្រែងប្រកបមុខរបរ រក្សាអនាម័យលើចំណីអាហារ ជាពិសេសត្រូវមានការប្រុងប្រយ័ត្នខ្ពស់ និងមានស្មារតីត្រៀមបម្រុងអំពីការប្រែប្រួលអាកាសធាតុដែលអាចកើតឡើងជាយថាហេតុ ដើម្បីការពារសុខសុវត្ថិភាពរបស់បងប្អូនប្រជាពលរដ្ឋគ្រប់ៗរូប។ជាមួយគ្នានោះដែរ បន្ទាប់ពីបានចែកលិខិតថ្លែងអំណរគុណដល់សមាគម ចំនួន ០៣រួមមាន សមាគមធនាគារនៅកម្ពុជា សមាគមមីក្រូហិរញ្ញវត្ថុនៅកម្ពុជា និងក្រុមហ៊ុនក្រេឌីត ប្យួរ៉ូ (ខេមបូឌា) ខូ អិលធីឌី រួចមក គណៈអធិបតីក៏បានធ្វើការចែកអំណោយជូនដល់ប្រជាពលរដ្ឋរងគ្រោះដោយជំនន់ទឹកភ្លៀង សរុបចំនួន ៥១៥គ្រួសារ មកពីឃុំចំនួន ១០ ក្នុងស្រុកក្រឡាញ់ ដោយក្នុងមួយគ្រួសារទទួលបាន អង្ករ ២៥គីឡូក្រាម មី ០១កេស ទឹកស៊ីអ៊ីវ ០១យួរ ទឹកត្រី ០១យួរ ត្រីខ ០១យួរ និងថវិកា ២០,០០០ រៀល។