ថ្ងៃព្រហស្បតិ៍ ១ កើត ខែមិគសិរ ឆ្នាំខាលចត្វាស័ក ព.ស ២៥៦៦ និងថ្ងៃទី ២៤ ខែវិច្ឆិកាឆ្នាំ ២០២២ វេលាម៉ោង ១៤ និង 30 នាទីក្នុងបន្ទប់វីដេអូ conference របស់សាលាខេត្តសៀមរាប លោក នាក់ ណេរ៉ុន អភិបាលរងខេត្តតំណាងដ៏ខ្ពង់ខ្ពស់ ឯកឧត្តម ទៀ សីហាអភិបាលនៃគណៈអភិបាលខេត្តសៀមរាប បានអនុញ្ញាតឱ្យលោកសាស្ត្រាចារ្យ Adnan Khan ប្រធានសេដ្ឋវិទូនៃ Foreign, Commonwealth and development office (FCDO) ចូលជួបសម្តែងការគួរសមនិងពិភាក្សាការងារ ដោយមានការអញ្ជើញចូលរួមពី លោកនាយកអនុប្រធានមន្ទីរទេសចរណ៍ខេត្ត លោកនាយកទីចាត់ការអន្តរវិស័យ នាយកទីចាត់ការផែនការ និងវិនិយោគ លោកនាយករងទីចាត់ការទំនាក់ទំនងសាធារណៈ និងសហប្រតិបត្តិការអន្តរជាតិ ព្រមទាំងក្រុមការងារ ប្រតិភូអមតំណើរ។ លោក អភិបាលរងខេត្តក៏បានថ្លែងនូវអំណរគុណចំពោះសាស្ត្រាចារ្យ Adnan Khan ប្រធានសេដ្ឋវិទូនៃ Foreign, Commonwealth and development office (FCDO) ក្រុមការងារ ប្រតិភូអមតំណើរទាំងអស់ ដែលបានខិតខំចំណាយពេលវេលាដ៏មានតម្លៃអញ្ជើញចូលរួមក្នុងជំនួបពិភាក្សានាពេលនេះ៕