រដ្ឋបាលខេត្តសៀមរាប

Siemreap Administration
ស្វែងរក

កម្មពិធីបិទវគ្គបណ្ដុះបណ្ដាលគ្រូបឋមសិក្សា”១២+២”ជំនាន់ទី៣៩

  • 150
  • ដោយ vannak

ព្រឹកថ្ងៃទី ០៧ ខែកញ្ញា ឆ្នាំ ២០២៣ នៅក្នុងសាលាប្រជុំរបស់សាលាគរុកោសល្យ មានកម្មពិធីបិទវគ្គបណ្ដុះបណ្ដាលគ្រូបឋមសិក្សា"១២+២"ជំនាន់ទី៣៩ ក្រោមអធិបតីភាពលោកស្រី ម៉ននី រង្សី អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប និងលោកជំទាវ ស៊ិន ណម សមាជិកក្រុមប្រឹក្សាខេត្ត និងមានការអញ្ញើញចូលរួមពី ឯកឧត្តម លោកជំទាវ លោក លោកស្រី និងគរុសិស្សជំនាន់ទី៣៩ មកពីខេត្តសៀមរាបចំនួន៩២នាក់ និងខេត្តឧត្តរមានជ័យចំនួន៤៤នាក់ សរុប១៣៦នាក់។ថ្លែងក្នុងកម្មពិធីនេះដែរ លោកស្រី ម៉ននី រង្សី អភិបាលរងខេត្ត បានមានប្រសាសន៍ថារាជរដ្ឋាភិបាលថ្មីក៏បានប្រកាសកម្មវិធីគោលនយោបាយរបស់ខ្លួនដាក់ចេញនូវគោលដៅយុទ្ធសាស្រ្ត បញ្ចកោណ៥ចំណុចរួមមាន៖ ១).ការពារសន្តិភាព ការពារឯករាជ្យ អធិបតេយ្យ បូរណភាពទឹកដី និងការពារ រាល់សមិទ្ធផលនៃសង្គមជាតិ ឱ្យបានគង់វង្សស្ថិតស្ថេរ ២).កសាងព្រះរាជាណាចក្រកម្ពុជា ជារដ្ឋប្រជាធិបតេយ្យ សេរី ពហុបក្ស ដ៏ជឿនលឿន និងរឹងមាំដែលផ្អែកលើច្បាប់ មានសេដ្ឋកិច្ចរីកចម្រើន ប្រកបដោយចីរភាព និង សមធម៌ ប្រជាជនមានជីវភាពសម្បូរសប្បាយរស់នៅយ៉ាងសុខដុមរមនា ប្រកបដោយកិត្តិយស សេចក្ដីថ្លៃថ្នូរ និង មានការគោរពសិទ្ធិមនុស្ស ; ៣).កសាងប្រព័ន្ធការពារសង្គមប្រកបដោយបរិយាបន្ន ប្រសិទ្ធភាព និងចីរភាព ហិរញ្ញវត្ថុ ដែលធានាការផ្ដល់ការគាំពារដល់ប្រជាជនក្នុងការឆ្លើយតបចំពោះហានីភ័យសេដ្ឋកិច្ច ហានីភ័យ សុខភាពសាធារណៈ និងភាពងាយរងគ្រោះផ្សេងៗ ដែលកើតឡើងពីការប្រែប្រួលលក្ខខណ្ឌនៃការងារ និងការរស់នៅ; ៤). ជំរុញការអនុវត្ត "កម្ពុជាគ្មានមីនត្រឹមឆ្នាំ២០២៥" និងកាត់បន្ថយគ្រាប់មីនមិនទាន់ផ្ទុះឱ្យបានជាអតិបរមា ; ៥). បន្តអនុវត្តនយោបាយការបរទេសឯករាជ្យ ដោយផ្អែកលើច្បាប់ កសាងមិត្តភាពនិង កិច្ចសហប្រតិបត្តិការល្អប្រសើររវាងព្រះរាជាណាចក្រកម្ពុជា ជាមួយប្រទេសទាំងអស់នៅលើសកលលោក និងអង្គការអន្តរជាតិនានា ហើយចូលរួមយ៉ាងសកម្មចំពោះបុព្វហេតុសន្តិភាព ស្ថិរភាព សន្តិសុខ និងវិបុលភាពក្នុងតំបន់ និងពិភពលោក។លោកស្រីបានបន្តរផងដែរថាដើម្បីសម្រេចគោលដៅយុទ្ធសាស្រ្តដូចបានជម្រាបជូនខាងលើរាជរដ្ឋាភិបាលក៏បានកំណត់បណ្ដាគោលនយោបាយធំៗជាអាទិភាពជាច្រើនទៀត។ ក្នុងចំណោមនោះវិស័យអប់រំ យុវជន និងកីឡាមានតួនាទីយ៉ាង សំខាន់ក្នុងការកសាងសមត្ថភាព និងការអភិវឌ្ឍធនធានមនុស្សដោយផ្ដោតលើ ការអភិវឌ្ឍវិស័យអប់រំ វិទ្យា សាស្រ្តបច្ចេកទេស និងបណ្ដុះបណ្ដាលមុខជំនាញវិជ្ជាជីវៈ ពោលគឺ បន្តជំរុញការអភិវឌ្ឍធនធានមនុស្សលើគ្រប់វិស័យប្រកបដោយគុណភាព និងមានតុល្យភាពរវាង វិជ្ជាសម្បទា បំណិនសម្បទា ចរិយាសម្បទា កាយសម្បទា និងមនសិការស្នេហាជាតិ មនុស្សជាតិ ។ លើកកម្ពស់ សមត្ថភាព គុណវុឌ្ឍិ កិត្តិយស សេចក្ដីថ្លៃថ្នូរគ្រូបង្រៀន ការបន្តអភិវឌ្ឍន៍កម្មវិធីសិក្សា សៀវភៅសិក្សាគោល ការពង្រឹងវិធីសាស្រ្តបង្រៀន និងរៀន តាមនិន្នាការថ្មី (ការអប់រំបែបឌីជីថល)ការពង្រឹងអធិការកិច្ច ការគ្រប់គ្រងសាលារៀន ការពង្រឹងទំនាក់ទំនងជិតស្និទ្ធរវាងសាលា និងមាតា បិតាសិស្ស ការពង្រឹងការប្រឡងគ្រប់ប្រភេទ ការអនុវត្តតេស្ត វាយតម្លៃលទ្ធផលសិក្សាសិស្ស ថ្នាក់ជាតិ និងអន្តរជាតិ ការបង្កើនការស្រាវជ្រាវ និងនវានុវត្តន៍នៅឧត្តមសិក្សាជាដើម៕

អត្ថបទទាក់ទង