![](https://asset.cambodia.gov.kh/provincial/sites/22/2023/10/393599244_675159714758358_61948298848579347_n-1024x683.jpg)
កិច្ចប្រជុំនេះធ្វេីឡេីងដេីម្បីបង្ហាញជាមុននូវលទ្ឋផលដែលក្រុមការងារនៃអង្គការ GRET បានចុះសិក្សានៅតាមមូលដ្ឋាន ក្នុងខេត្តសៀមរាប ក្នុងការត្រៀមរៀបចំសិក្ខាសាលាផ្សព្វផ្សាយ បង្ហាញលទ្ធផលដែលបានរកឃើញ ព្រមទាំងស្វែងរកធាតុចូល ដើម្បីកសាងផែនការយុទ្ឋសាស្ត្រប្រព័ន្ធស្បៀង និងអាហាររូបត្ថម្ភ នាថ្ងៃទី ២០ ខែតុលា ឆ្នាំ ២០២៣ ខាងមុខ ។
សូមបញ្ជាក់ថា យុទ្ធសាស្ត្រប្រព័ន្ធស្បៀង និងអាហារូបត្ថម្ភ គឺជាយុទ្ធសាស្ត្រដែលផ្ដោតសំខាន់ទៅលើភាពចម្រុះទាក់ទងនឹងសហគមន៍ ធនធានធម្មជាតិ គោលនយោបាយ អាជ្ញាធរមូលដ្ឋាន បរិស្ថាន ហេដ្ឋារចនាសម្ព័ន្ធ ប្រវត្តិសាស្ត្រ សេដ្ឋកិច្ច ។ល។ ដែលវិធីសាស្ត្រនេះគឺ ដើម្បីសម្រេចគោលបំណងតែមួយគត់ គឺមិនមែនត្រឹមតែធ្វើឱ្យប្រសើរឡើងនូវកំណើនសេដ្ឋកិច្ច ការអភិវឌ្ឍហេដ្ឋារចនាសម្ព័ន្ធ ឬការកែលម្អការអប់រំ
ប៉ុណ្ណោះទេ ប៉ុន្តែដើម្បីគ្រប់គ្រងទំនាក់ទំនងជាយុទ្ធសាស្ត្ររវាងកំណើនសេដ្ឋកិច្ច បរិយាបន្នសង្គម និងការអភិវឌ្ឍប្រកបដោយចីរភាព។
គោលបំណង នៃការវិភាគទៅលើប្រព័ន្ធស្បៀង និងអាហាររូបត្ថម្ភនេះ គឺដើម្បីកំណត់ពីសក្ដានុពលដែលកំពុងបន្តកើតមាននៅក្នុងខេត្តសៀមរាប ទាក់ទងនឹងផ្នែកសេដ្ឋកិច្ច នយោបាយ និងលទ្ធភាព ដែលវាអាចប៉ះពាល់ដល់ខេត្តក្នុងរយៈពេល ១០ឆ្នាំខាងមុខ ហើយដំណើរការនេះត្រូវបានអនុវត្តជា ២ជំហាន ជំហានដំបូង ផ្តោតលើការវិវត្តន៍ក្នុងអំឡុងពេល ១០ ឆ្នាំចុងក្រោយ ដោយការវិភាគទៅលើឯកសារពាក់ព័ន្ធ ជំហានទី២ ផ្តោតលើការកំណត់អត្តសញ្ញាណអ្នកដើរតួនាទីសំខាន់ ក្នុងប្រព័ន្ធស្បៀងក្នុងខេត្តសៀមរាប ។ ការរកឃើញដោយផ្អែកលើវិធីសាស្រ្តស្រាវជ្រាវ ដែលនឹងត្រូវធ្វើបទបង្ហាញនៅក្នុងសិក្ខាសាលានាថ្ងៃខាងមុខ ដើម្បីផ្តល់នូវសម្មតិកម្មថ្មីមួយ ថាតើប្រព័ន្ធស្បៀង និងអាហារូបត្ថម្ភ នៅក្នុងខេត្តសៀមរាប នឹងទៅជាយ៉ាងណាក្នុងរយៈពេល១០ឆ្នាំខាងមុខ៕