![](https://asset.cambodia.gov.kh/provincial/sites/22/2024/01/410941389_711231597817836_7817856756937115077_n-1024x683.jpg)
ថ្លែងក្នុងសិក្ខាសាលានេះដែរ លោកស្រី អភិបាលរងខេត្ត បានមានប្រសាសន៍ថា បច្ចុប្បន្នកម្ពុជាបានធ្វើសមាហរណកម្មចូលទៅក្នុងតំបន់ និងសាកលលោក ហើយកំពុងដើរតួនាទីយ៉ាងសកម្មក្នុងឋានៈជាសមាជិកស្មើភាព និងស្មើសិទ្ធិក្នុងកម្រិតតំបន់ និងពិភពលោក។ ជាមួយនេះផងដែរ កម្ពុជាក៏ទាមទារឱ្យមានការអភិវឌ្ឍធនធានមនុស្សប្រកបដោយគុណភាព សមត្ថភាព និងគុណធម៌ ដែលជាកត្តាគន្លឹះសម្រាប់ទ្រទ្រង់កំណើនសេដ្ឋកិច្ចជាតិ និងភាពប្រកួតប្រជែងរបស់ប្រទេស ទាំងពេលបច្ចុបន្ន និងសម្រាប់អនាគត ក្នុងការប្រែក្លាយប្រទេសឱ្យមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសអភិវឌ្ឍនៅឆ្នាំ២០៥០។
សិក្ខាសាលានេះ ធ្វេីឡេីងក្នុងគោលបំណង ដេីម្បីកសាង និងអភិវឌ្ឍធនធានមនុស្សជាកត្តាសំខាន់ គឺសំដៅលើការកសាងទាំងសមត្ថភាពទាំង ចំណេះដឹង ចំណេះធ្វើសហគ្រិនភាព ជំនាញ ការច្នៃប្រឌិត និងនវានុវត្តន៍លើគ្រប់ផ្នែក គ្រប់វិស័យ ពិសេសផ្នែកវិទ្យាសាស្ត្រ និងបច្ចេកវិទ្យា ព្រមទាំងសមត្ថភាពក្នុងការស្រាវជ្រាវរបកគំហើញថ្មីៗ និងការអភិវឌ្ឍ។ ទន្ទឹមនឹងនេះ ការលើកស្ទួយគុណភាពផ្នែកសុខភាព កាយសម្បទា សីលធម៌ ស្មារតីទទួលខុសត្រូវ មានមនសិកាស្នេហាជាតិ និងវិជ្ជាជីវៈ ក៏ជាកត្តារួមចំណែកយ៉ាងសំខាន់ក្នុងការអភិវឌ្ឍប្រទេសជាតិ ដែលយើងទាំងអស់គ្នាចាំបាច់ណាស់ ក្នុងការជួយជ្រោមជ្រែង គាំទ្រដល់ដំណើរការអប់រំ និងយុទ្ធសាស្ត្រកំណែទម្រង់វិស័យអប់រំ យុវជន និងកីឡា ដែលត្រូវធានាឱ្យការគ្រប់គ្រងអប់រំ ដើម្បីលើកកម្ពស់ភាពជាពលរដ្ឋមានគុណភាពនៅកម្ពុជា ដោយចាប់ផ្តើមគិតគូរពីអនុវិស័យអប់រំកុមារតូច រហូតដល់កម្រិតឧត្តសិក្សា និងក្រោយឧត្ដមសិក្សា ទាំងក្នុងប្រព័ន្ធ និងក្រៅប្រព័ន្ធ ព្រមទាំងជួយគាំទ្រដល់ការងារអភិវឌ្ឍន៍យុវជន និងការអភិវឌ្ឍន៍អប់រំកាយ និងកីឡា៕