![](https://asset.cambodia.gov.kh/provincial/sites/22/2024/03/429962770_749476430660019_7249203913106717493_n-1024x683.jpg)
កិច្ចប្រជុំនេះ ដើម្បីពិភាក្សាក្នុងការត្រៀមរៀបចំការអបអរសាទរ និងលើកទឹកចិត្តដល់កិច្ចខិតខំប្រឹងប្រែងក្នុងការផ្ដល់សេវាសាធារណៈជូនបងប្អូនប្រជាពលរដ្ឋរបស់អង្គភាពជ័យលាភីទាំង៤របស់ខេត្តសៀមរាប ក៏ដូចជាផ្សព្វផ្សាយឱ្យកាន់តែទូលំទូលាយអំពីការប្រកួតប្រជែងអង្គភាពផ្ដល់សេវាសាធារណៈគំរូក្នុងវិស័យអប់រំ និងវិស័យសុខាភិបាល សម្រាប់ឆ្នាំបន្តបន្ទាប់ទៀត។ ជាលទ្ធផល នៅថ្ងៃទី១៩ ខែកុម្ភៈ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានចេញអនុក្រឹត្យទទួលស្គាល់ជ័យលាភីអង្គភាពផ្ដល់សេវាសាធារណៈគំរូក្នុងវិស័យអប់រំ និងវិស័យសុខាភិបាលប្រចាំឆ្នាំ២០២៣ តាមលំដាប់ចំណាត់ថ្នាក់ឆ្នាំ២០២៣ ដោយខេត្តសៀមរាបមានអង្គភាពទទួលបានជ័យលាភីចំនួន៤:
-អនុវិទ្យាល័យមិត្តភាពខ្មែរ-ជប៉ុន ព្រះឥន្ទកោសា ចំណាត់ថ្នាក់លេខ២
-មណ្ឌលសុខភាព គោកចក ចំណាត់ថ្នាក់លេខ២
-សាលាបឋមសិក្សាវត្តបូព៌ ចំណាត់ថ្នាក់លេខ៣
-សាលាបឋមសិក្សាក្រវ៉ាន់ ចំណាត់ថ្នាក់លេខ៦។
ជាមួយនឹងលទ្ធផលខាងលេី រដ្ឋបាលខេត្តនឹងរៀបចំក្បួនដង្ហែនាថ្ងៃទី២៩ ខែកុម្ភៈ ឆ្នាំ២០២៤ វេលាម៉ោង ១៦:០០។
គួរបញ្ជាក់ជូនផងដែរថា កិច្ចការនេះជាឆន្ទៈរបស់រាជរដ្ឋាភិបាលកម្ពុជាក្នុងការគាំទ្រ និងលើកទឹកចិត្តដល់គ្រប់អង្គភាពផ្ដល់សេវាឱ្យចូលរួមប្រកួតប្រជែងការផ្ដល់សេវាសាធារណៈគំរូ ក្នុងគោលបំណងដើម្បីបង្កើនគុណភាព និងស័ក្ដិសិទ្ធិភាពនៃការផ្ដល់សេវាសាធារណៈ ដោយចាប់ផ្ដើមពីវិស័យអាទិភាពខ្ពស់មុន មានវិស័យអប់រំ(កម្រិតអនុវិទ្យាល័យ និងសាលាបឋមសិក្សា) និងវិស័យសុខាភិបាល(កម្រិតមណ្ឌលសុខភាព)។ ទន្ទឹមនឹងនេះ សម្រាប់ឆ្នាំ២០២៣ ខេត្តសៀមរាបបានបញ្ជូនបេក្ខភាពអង្គភាពផ្ដល់សេវាចំនួន០៦ ដើម្បីចូលរួមការប្រកួតប្រជែងទៅតាមដំណាក់កាលជ្រើសសម្រាំងបឋម រហូតដល់ដំណាក់កាលពិនិត្យ និងវាយតម្លៃសម្រចចុងក្រោយដោយគណៈកម្មការវាយតម្លៃអង្គភាពផ្ដល់សេវាសាធារណៈថ្នាក់ជាតិ(គ.វ.ជ.)៕