លោកអភិបាលរងខេត្ត បានថ្លែងអំណរគុណដល់ និយ័តករធានារ៉ាប់រងកម្ពុជា ដែលបានរៀបចំសិក្ខាសាលាផ្សព្វផ្សាយ “នីតិវិធីនៃការទទួល និងដោះស្រាយបណ្ដឹងធានារ៉ាប់រង” ជូនដល់ប្រជាពលរដ្ឋ និស្សិត និងសិស្សានុសិស្ស ក្នុងខេត្តសៀមរាប និងជាកម្មវិធីដ៍មានសារៈសំខាន់ក្នុងការចែករំលែកនូវពុទ្ធិពាក់ព័ន្ធ ការធានារ៉ាប់រងដែលជាសមាសភាគសំខាន់មួយរួមចំណែកដល់ការទ្រទ្រង់សេដ្ឋកិច្ចជាតិ ស្របតាម “យុទ្ធសាស្ត្រអភិវឌ្ឍន៍វិស័យហិរញ្ញវត្ថុ ឆ្នាំ២០១៦-២០២៥ របស់រាជរដ្ឋាភិបាល។ លោកអភិបាលរងខេត្ត បានបន្ថែមថា នាបច្ចុប្បន្ននេះ មានគ្រឹះស្ថានធានារ៉ាប់រងមានចំនួន៩ ដែលក្នុងនោះក្រុមហ៊ុនធានារ៉ាប់រង ទូទៅចំនួន៤ ក្រុមហ៊ុនធានារ៉ាប់រងអាយុជីវិតចំនួន៥ ដែលបាននិងកំពុងធ្វើប្រតិបត្តិការអាជីវកម្មរបស់ខ្លួន នៅក្នុងខេត្តសៀមរាប។ ក្នុងនាមរដ្ឋបាលខេត្តសៀមរាប លោកសូមធ្វើការវាយតម្លៃខ្ពស់ចំពោះគ្រឹះស្ថានធានារ៉ាប់រងដែលមានវត្តមាននៅខេត្តសៀមរាប ហើយទន្ទឹមនេះ ខ្ញុំក៏សូមសម្តែងការគាំទ្រ និងកិច្ចស្វាគមន៍ផងដែរ ចំពោះគ្រឹះស្ថានធានារ៉ាប់រងដទៃទៀតដែលមានបំណងពង្រីកដែនអាជីវកម្ម នៅក្នុងខេត្តសៀមរាបដើម្បីចូលរួមចំណែកលើកកម្ពស់ជីវភាព របស់ប្រជាជនក្នុងខេត្តសៀមរាប ជាពិសេសបញ្ចៀសនូវបន្ទុកហិរញ្ញវត្ថុនៅពេលជួបប្រទះបញ្ហាណាមួយ។
សិក្ខាសាលានេះមានគោលបំណង ក្នុងការពង្រីកដែនអាជីវកម្មនៅក្នុងខេត្តសៀមរាបដើម្បីចូលរួមចំណែកលើកកម្ពស់ជីវភាពរបស់ប្រជាជនក្នុងខេត្តសៀមរាប ជាពិសេសបញ្ចៀសនូវបន្ទុកហិរញ្ញវត្ថុនៅពេលជួបប្រទះបញ្ហាណាមួយ៕