រដ្ឋបាល ខេត្ត សៀមរាប មានកិត្តយសសូមជម្រាបជូនដំណឹងដល់ ឯកឧត្តម លោកជំទាវ អ្នកឧកញ៉ា លោក លោកស្រី បងប្អូនប្រជាពលរដ្ឋទាំងអស់មេត្តាជ្រាបថា៖ នៅព្រឹកថ្ងៃ ពុធ ត្រូវ នឹង ថ្ងៃ ទី ២២ ខែឧសភា ឆ្នាំ ២០២៤ ជាថ្ងៃប្រារព្ធពិធីបុណ្យវិសាខបូជា ដេីម្បីរំលឹកដល់ព្រឹត្តិការណ៍ដ៏ពិសេសចំនួន ៣ ដែលទាក់ទងនឹងព្រះសម្មាសម្ពុទ្ធ គឺ ការប្រសូត្រ ការត្រាស់ដឹង និង ការចូលនិព្វាន។ ដោយព្រះពុទ្ធសាសនាជាសាសនារបស់រដ្ឋ ដូចនេះរដ្ឋបាល ខេត្ត នឹងរៀបចំពិធីហែរក្បូន រថយន្តតាមដងផ្លូវតាមបែបព្រះពុទ្ធសាសនា ដេីម្បីរំលឹកព្រឹត្តិការណ៍ដ៏ពិសេសខាងលេី ដោយចាប់ផ្ដេីមពីវត្តព្រះឥន្ទទេព (ប្រាសាទបាយ័ន ) ឆ្ពោះទៅកាន់វត្តព្រះឥន្ទទេព ក្នុងអតីតរាជធានីអង្គរធំ (ដូចមានផែនទីភ្ជាប់មកជាមួយ)។ ចំពោះពេលរសៀលម៉ោងម ១៤៖០០នាទី រសៀល ជួបជុំសាមណេរ និងសីលវតី ព្រមទាំងអាណាព្យាបាល និងពុទ្ធបរិស័ទ នៅបរិវេណវត្តព្រះឥន្ទទេព ខាងជើងប្រាសាទបាយ័នដេីម្បីហែរក្បួនរថយន្តតាមដងផ្លូវតាមបែបព្រះពុទ្ធសាសនា ។អាស្រ័យហេតុនេះ សូម ឯកឧត្តម លោកជំទាវ អ្នកឧកញ៉ា លោក លោកស្រី បងប្អូនប្រជាពលរដ្ឋទាំងអស់មេត្តាយោគយល់ និងជួយចូលរួមសហការសម្រួលក្នុងការធ្វេីចរាចរណ៍ តាមដងផ្លូវ និងធានាដល់ការធ្វើចរាចរប្រកបដោយសុវត្ថិភាព៕
