នាថ្ងៃទី៥ ខែមិថុនា ឆ្នាំ២០២៤ នៅទីធ្លាសួនហាត់ប្រាណ ក្រុងសៀមរាប លោក យុន លីនណេ អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណអភិបាលខេត្តបានដឹកនាំក្រុមការងារចូលរួមទិវាបរិស្ថានពិភពលោក ៥មិថុនា ក្រោមប្រធានបទ "ការកែប្រែគុណភាពដី ដីរហោឋាន និងភាពធន់នៃគ្រោះរាំងស្ងួត" ដោយមានអញ្ជេីញចូលរួមពីប្រជាពលរដ្ឋ មន្ត្រីរាជការ អង្គការសង្គមស៊ីវិល វិស័យឯកជន និងលោកគ្រូអ្នកគ្រូ សិស្សានុសិស្ស ចំនួន៥០០នាក់ ប៉ុន្តែក្រៅពីការប្រារព្ធពិធី យើងក៏មានប្រជាពលរដ្ឋ អាជ្ញាធរដែនដី និងអ្នកពាក់ព័ន្ធនានា ចំនួន៦៥០០នាក់ផ្សេងទៀតក៏កំពុងចូលរួមជាមួយយើងក្នុងការសម្អាតបរិស្ថាន នៅក្នុងក្រុងសៀមរាបទាំងមូលផងដែរ។លោក ស៊ុន គង់ បានឲ្យដឹងថា នៅក្នុងយុទ្ធសាស្ត្រចក្រានេះ មានមុំចំនួនបី ដែលមុំទី១ ភាពស្អាត ដែលស្អាតចេញពីខ្លួនយើង ស្អាតជុំវិញខ្លួនយើង និងស្អាតបរិយាកាស។ រីឯមុំទី២ភាពបៃតង ដែលក្នុងនេះ ក្រសួងបរិស្ថានបានជំរុញឲ្យមានការដាំកូនឈើឡើងវិញមួយឆ្នាំ១លានដើម ដែលក្នុងនោះ មន្ទីរបរិស្ថានខេត្តសៀមរាប ក៏បានបណ្តុះកូនឈើបានជាង១៦ម៉ឺនដើម ដើម្បីចែកជូនដោយមិនគិតថ្លៃ ផងដែរ។ ចំណែកទី៣គឺចិរភាព ដែលក្រសួងបានដាក់ចេញនូវគោលនយោបាយ ផែនការយុទ្ធសាស្ត្រ កៀងគររកកិច្ចសហការ ដើម្បីគាំទ្រមុំទី១ និងទី២ឱ្យយូរអង្វែង។ លោក យុន លីនណេ ក្នុងនាមអាជ្ញាធរខេត្តសៀមរាប យើងមិនចង់ឃើញការធ្វើអនាម័យសម្អាតបរិស្ថានតែមួយថ្ងៃនេះទេ ប៉ុន្តែយើងឲ្យផ្តើមចេញពីអ្នកចូលរួមទាំងអស់ រួមគ្នាធ្វើវាដោយកាត់បន្ថយការប្រើប្រាស់ថង់ប្លាស្ទីក និងការពិនិត្យនូវលទ្ធភាពដាំដុះកូនឈើឡើងវិញទៅតាមដែលអាចធ្វើបាន។ លោកថា បញ្ហាបរិស្ថានជាបញ្ហារបស់យើងទាំងអស់គ្នា ដូច្នេះយើងត្រូវចូលរួមទាំងអស់គ្នា។ លោក យុន លីនណេ ក៏បានឱ្យដឹងផងដែរថា នៅក្នុងការលើកកម្ពស់សោភ័ណ្ឌភាព អនាម័យ បរិស្ថាន ក្នុងក្រុងសៀមរាប រដ្ឋបាលខេត្តក៏បានកំណត់យកផ្លូវមួយចំនួនដើម្បីរៀបចំដាំដើមឈើឡើងវិញ ដែលដើមឈើទាំងនោះមានដូចជាដើមរំដួល ដើមត្របែកព្រៃជាដើម។សៀមរាប៖ អាជ្ញាធរខេត្តសៀមរាប បានអំពាវនាវដល់គ្រប់ភាគីទាំងអស់ចូលរួមលើកកម្ពស់អនាម័យបរិស្ថាន តាមរយៈការរួមគ្នាកាត់បន្ថយការប្រើប្រាស់ថង់ប្លាស្ទិក និងការដាំដុះដើមឈើឡើងវិញ៕