ថ្ងៃទី២៥ ខែមិថុនា ឆ្នាំ២០២៤ លោក យុន លីនណេ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្យសៀមរាប បានអញ្ជេីញចូលរួមក្នុងកិច្ចប្រជុំពិគ្រោះយោបល់លើកចុងក្រោយ ស្តីពីការកំណត់ និងបែងចែកតំបន់គ្រប់គ្រង និងផែនការគ្រប់គ្រង នៅឧទ្យានជាតិព្រះជ័យវរ្ម័ន-នរោត្តម "ភ្នំគូលែន" ក្រោមអធិបតីភាពឯកឧត្តម សុខខេង នវិន្ទ អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន និងឯកឧត្ដម ស្រី ស៊ុនលាង អគ្គនាយកនៃអគ្គនាយកដ្ឋានតំបន់ការពារធម្មជាតិ ដោយមានការចូលរួមពីលោកប្រធាន អនុប្រធាននាយកដ្ឋានជំនាញ ប្រធានមន្ទីរបរិស្ថាន លោកនាយក នាយករង និងមន្រ្តីឧទ្យានុរក្ស តំបន់ការពារធម្មជាតិ នៃក្រសួងបរិស្ថាន ប្រធានមន្ទីរជំនាញនៃក្រសួងពាក់ព័ន្ធ លោកអភិបាលស្រុក និងលោក/លោកស្រីមេឃុំ ដែលជាសមាជិកសមាជិការ នៃក្រុមការងារនេះ តំណាងអង្គការជាតិ និងអង្គការអន្តរជាតិ។ លោក យុន លីនណេ អភិបាលរងខេត្ត មានប្រសាសន៍ថា ខេត្តសៀមរាបជាតំបន់ទេសចរណ៍ដ៍សំខាន់របស់ប្រទេសកម្ពុជា ដោយសារវត្តមានប្រាសាទអង្គរវត្តដ៏ល្បីល្បាញ និងប្រាសាទបុរាណដទៃទៀតជាច្រើន។ ថ្មីៗនេះ ក្រុងសៀមរាបកំពុងប្រែក្លាយរូបរាងជាក្រុងទំនើបតាមរយៈកំណើនសណ្ឋាគារ ភោជនីយដ្ឋាន ហាងលក់ទំនិញ ជាដើមដែលបម្រើឱ្យវិស័យទេសចរណ៍។ រមណីយដ្ឋានផ្សេងទៀតដែលនៅក្បែរក្រុងសៀមរាបមានរាជធានីអង្គរធំ ប្រាសាទអង្គរវត្ត ប្រាសាទបាយ័ន ប្រាសាទភ្នំបាខែង ប្រាសាទបក្សីចាំក្រុង ប្រាសាទបាពួន ប្រាសាទភិមានអាកាស ប្រាសាទបន្ទាយស្រី ប្រាសាទតាព្រហ្ម និងប្រាសាទរាប់រយផ្សេងទៀតបាន និងកំពុងទាក់ទាញភ្ញវទេសចរណ៍ ពិសេសភ្ញៀវទេសចរណ៍បរទេស។ ខេត្តសៀមរាបមានតំបន់ការពារធម្មជាតិចំនួន៨ ក្នុងនោះឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ជាតំបន់ការពារធម្មជាតិ១ ក្នុងចំណោមតំបន់ការពារធម្មជាតិទាំង៨។ លោកអភិបាលរងខេត្ត បានបន្តទៀតថា ឧទ្យានជាតិទាំងមូលត្រូវបានត្រូវបានរៀបចំសេចក្តព្រាងតំបន់គ្រប់គ្រង របាយការណ៍បច្ចេកទេស និងមានកម្មវិធីគ្រប់គ្រងនិងបានប្រជុំពិគ្រោះយោបល់ច្រើនដងរួចមកហើយ ដូច្នេះកិច្ចប្រជុំពិគ្រោះយោបល់លើកចុងក្រោយស្តីពី «ការកំណត់ និងបែងចែកតំបន់គ្រប់គ្រង នៅឧទ្យានជាតិព្រះជ័យវរ្ម័ន-នរោត្តម «ភ្នំគូលែន» នាពេលនេះនឹងចង្អុលបង្ហាញឱ្យកាន់តែច្បាស់បន្ថែមទៀត ពីតំបន់ដែលមានសក្តានុពលកំណត់ជាស្នូល និងតំបន់អភិរក្ស ដែល មានតំលៃសម្រាប់ការពារធនធានធម្មជាតិដ៏មានតំលៃសម្រាប់ជាតិ មាតុភូមិរបស់យើង និងតំបន់មួយចំនួនទៀតមានតំលៃសម្រាប់សេដ្ឋកិច្ចជាតិ សហគមន៍មូលដ្ឋាន ដែលគួរជាតំបន់ប្រើប្រាស់ដោយចីរភាព និងភូមិករ ស្រែចម្ការ ដីលំនៅដ្ឋាន និងដីអាស្រ័យផលជាក់ស្តែងរបស់ប្រជាពលរដ្ឋ ជាតំបន់សហគមន៍។ លោក យុន លីនណេ បានបញ្ជាក់ថា លោកសូមគាំទ្រយ៉ាងពេញទំហឹងលើការបង្កើតឱ្យមានការកំណត់ និងបែងចែកតំបន់គ្រង់គ្រងនៅក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ហើយខ្ញុំមានជំនឿយ៉ាងម៉ុតមាំថា ក្រោយពីបានរៀបចំកំណត់ និងបែងចែកតំបន់គ្រង់គ្រង ធនធានធម្មជាតិ ជាពិសេសសត្វព្រៃសំខាន់ៗ ដែលជាប្រភេទមានដោយកម្រ ប្រភេទជិតផុតពូ ប្រភេទកំពុងទទួលរងគ្រោះថ្នាក់ នឹងត្រូវបានការពារអភិរក្ស និងគ្រប់គ្រងបានកាន់តែប្រសើឡើង ហើយនាពេលអនាគតដ៏ខ្លីខាមុខនេះ ធនធានធម្មជាតិរបស់ជាតិយើងនឹងមានការកើនឡើងជាលំដាប់។ ជាមួយគ្នានេះខ្ញុំសូមថ្លែងអំណរគុណយ៉ាងជ្រាលជ្រៅដល់ក្រសួងបរិស្ថាន មន្ទីរបរិស្ថាន មន្រ្តីឧទ្យានុរក្ស និងអាជ្ញាធរមូលដ្ឋានគ្រប់លំដាប់ថ្នាក់ ដែលបានសហការ និងចូលរួមក្នុងដំណើការរៀបចំកិច្ចប្រជុំដ៏មានសារៈសំខាន់នេះឡើង។ លោកក៏បានស្នើដល់មន្ទីរពាក់ព័ន្ធ អាជ្ញាធរឃុំ ស្រុក ពិនិត្យសេចក្តីព្រាងផែនទីកំណត់ និងបែងចែកតំបន់គ្រប់គ្រងឧទ្យានជាតិលើកចុងក្រោយ និងផ្តល់ធាតុចូលឱ្យបានគ្រប់ជ្រុងជ្រោយ ដើម្បីឱ្យក្រុមការងារអាចដំណើការរៀបចំកំណត់ និងបែងចែកតំបន់គ្រប់គ្រង និងផែនការគ្រប់គ្រង អនុវត្តទៅបានដោយឆាប់រហ័ស និងទាន់ពេលវេលា ព្រោះនេះជាកិច្ចការប្រវត្តិសាស្ត្រដើម្បីបន្សល់ទុកឱ្យកូនចៅជំនាន់ក្រោយរបស់យើងទាំងអស់គ្នា៕
កិច្ចប្រជុំពិគ្រោះយោបល់លើកចុងក្រោយ ស្តីពីការកំណត់ និងបែងចែកតំបន់គ្រប់គ្រង និងផែនការគ្រប់គ្រង នៅឧទ្យានជាតិព្រះជ័យវរ្ម័ន-នរោត្តម “ភ្នំគូលែន”
- 57
- ដោយ vannak
អត្ថបទទាក់ទង
-
ថ្នាក់ដឹកនាំខេត្ត មន្ត្រីរាជការ និងវិស័យឯកជនក្នុងខេត្តសៀមរាបបានចូលរួមពិធីគោរពវិញ្ញាណក្ខន្ធ ព្រះបរមរតនកោដ្ឋ គម្រប់ខួប១២ឆ្នាំ
- 57
- ដោយ vannak
-
ក្រុមប្រឹក្សាខេត្តជំរុញដល់អាជ្ញាធរក្រុង ស្រុក បន្ថែមការយកចិត្តទុកដាក់ផ្តល់សេវាសាធារណៈជូនប្រជាពលរដ្ឋឱ្យបានឆាប់រហ័ស
- 57
- ដោយ vannak
-
ទិវាប្រារព្ធពិធីគោរពព្រះវិញ្ញាណក្ខន្ធ ១២ព្រះវស្សា នៃការយាងចូលទីវង្គតរបស់ព្រះករុណាព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យបូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ”
- 57
- ដោយ vannak
-
ជួបកញ្ញា ពេជ្រ វត្តីសារ៉ាវឌ្ឍី Miss of Cambodia កញ្ញា ប៊ី សុធារី Miss of Cambodia លោក ប៉ែន ចំរុង តារាសម្តែង កញ្ញា កុយ អេនណា Miss Grand Cambodia លោក ពូ ឃ្លាំង តារាងចម្រៀង កញ្ញា រ៉េត សាវីតា Miss Universe កញ្ញា សាន្ត កុសុមៈ ធីតាឯកសង្គ្រាន លោក ណាខុន តារាងសម្តែង កញ្ញា អែម គុនថង តារាងបង្ហាញម៉ូត និងលោក ពៅ ពិសិដ្ឋ តារាងសម្តែង ក្នុងព្រឹត្តិការណ៍ «ស្នាមញញឹមនៃកម្ពុជាលើកទី២ »
- 57
- ដោយ vannak
-
ជួបកញ្ញា វាសនា ថៃណា តារាសម្តែងក្នុងព្រឹត្តិការណ៍ «ស្នាមញញឹមនៃកម្ពុជាលើកទី២ »
- 57
- ដោយ vannak
-
ជួបលោក លាង ឧត្តម និងអ្នកនាង និន សុធារ៉ា តារាសម្តែងក្នុងព្រឹត្តិការណ៍ «ស្នាមញញឹមនៃកម្ពុជាលើកទី២ »
- 57
- ដោយ vannak
-
ជួបកញ្ញា ឈិន មុន្នីនាថ តារាសម្តែងក្នុងព្រឹត្តិការណ៍ «ស្នាមញញឹមនៃកម្ពុជាលើកទី២ »
- 57
- ដោយ vannak
-
ជួបលោក ក្រិច ណាខុន តារាសម្តែងក្នុងព្រឹត្តិការណ៍ «ស្នាមញញឹមនៃកម្ពុជាលើកទី២ »
- 57
- ដោយ vannak
-
ប្រធានក្រុមការងារទី ៩ ចុះមូលដ្ឋានខេត្តសៀមរាប ណែនាំដល់រដ្ឋបាលស្រុកស្រីស្នំ និងស្រុកក្រឡាញ់ត្រូវបន្តពង្រឹងការងារភូមិ ឃុំមានសុវត្ថិភាពបន្ថែមទៀត
- 57
- ដោយ vannak
-
វីដេអូ : ភ្ញៀវទេសចរជាតិ អន្តរជាតិចូលរួមទស្សនាសមរាត្រីនៅប្រាសាទអង្គរវត្ត
- 57
- ដោយ vannak