នៅព្រឹកថ្ងៃទី៦ ខែកក្កដា ឆ្នាំ២០២៤ លោក យុន លីនណេ អភិបាលរងខេត្ត ដឹកនាំក្រុមការងារខេត្ត ក្រុង សង្កាត់បានចុះផ្សព្វផ្សាយដល់អាជ្ញាធរមូលដ្ឋាន និងប្រជាពលរដ្ឋរស់នៅ និងប្រកបអាជីវកម្មជាប់នឹងដងផ្លូវស៊ីវត្ថា ដេីម្បីជំរុញដល់អាជ្ញាធរ និងបងប្អូនប្រជាពលរដ្ឋចូលរួមដាំដេីមឈេី និងចូលរួមថែរក្សាដេីមឈេីនៅតាមដងផ្លូវក្នុងការលើកកម្ពស់សោភ័ភាពតាមទីសាធារណៈក្នុងសៀមរាប។ លោក អភិបាលរងខេត្ត បានសំណូមពរដល់ប្រជាពលរដ្ឋ ដែលមានដើមឈើនៅខាងមុខផ្ទះ ឬអាជីវកម្មរបស់ខ្លួន សូមជួយថែរក្សា ដើម្បីបង្កើនសោភ័ណភាព កាត់បន្ថយការកើនឡើងកម្ដៅក្នុងទីក្រុង ព្រមទាំងធ្វេីក្រុងប្រែក្លាយជាក្រុងបៃតង។ សូមបញ្ជាក់ថា តាមការណែនាំ ពីឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាបានឱ្យរដ្ឋបាលក្រុង-ស្រុកទាំ១៣ ចលនាការដាំដេីមឈេី នៅតាមដងផ្លូវ ដេីម្បីលើកកម្ពស់សោភណ្ឌភាព និងបរិស្ថាន ព្រមទាំងកែប្រែក្រុង ស្រុក ឱ្យក្លាយជាតំបន់បៃតង។
