នាព្រឹកថ្ងៃទី ០២ ខែ សីហា ឆ្នាំ២០២៤ នៅផ្សារទំនើបហឺរីថេកវ៉ក លោក ង៉ូវ សេងកាក់ អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខត្តសៀមរាប និងឯកឧត្តម ឡាំង អូណា ប្រធានសហព័ន្ធកីឡាឡើងភ្នំកម្ពុជា បានអញ្ជេីញចូលរួមបើកព្រឹត្តិការណ៍ប្រកួតកីឡាឡើងភ្នំកម្ពុជាដែលមានរយៈពេល ៤ថ្ងៃ ចាប់ពីថ្ងៃទី២-៥ ខែសីហា ឆ្នាំ២០២៤ ដើមី្បអបអរសាទរថ្ងៃបើកការដ្ឋានព្រែកជីកហ្វូណនតេជោ។ លោក អភិបាលរងខេត្ត នេះជាលើកទីមួយហើយដែលមានព្រឹត្តិការណ៍ប្រកួតកីឡាឡើងភ្នំកម្ពុជា នៅលើទឹកដីអង្គរ ដែលជាចលករមួយក្នុងការទាក់ទាញដល់ភ្ញៀវទេសចរជាតិ អន្តរជាតិ ចូលមកទស្សនានៅខេត្តសៀមរាប និង ដើមី្បអបអរសាទរថ្ងៃបើកការដ្ឋានព្រែកជីកហ្វូណនតេជោ ជាប្រវត្តិសាស្ត្រជាតិទៀតផង។ ម៉្យាងទៀតខេត្តសៀមរាបជាគោលដៅទេសចរណ៍ ហើយក៏មានកម្មវិធីជាច្រើនត្រូវបានរាជរដ្ឋាភិបាល ដាក់ជាឆ្នាំទស្សនាសៀមរាបឆ្នាំ២០២៤ ដើមី្បទាក់ទាញដល់ភ្ញៀវទេសចរណ៍ក្នុង ស្រុក និង អន្តរជាតិផងដែរ។ លោក ក៏បានសំណូមពរដល់សហព័ន្ធកីឡាឡើងភ្នំកម្ពុជា កម្មវិធីនេះបើអាចរៀបចំបានតាម ភាពជាក់ស្តែង នៅតំបន់ភ្នំលែននោះកាន់តែល្អទៀតផង។ លោកអភិបាលរងខេត្ត ក៏បាន ថ្លែងអំណរគុណ ចំពោះសហព័ន្ធកីឡាឡើងភ្នំកម្ពុជា ដែលបានរៀបចំព្រឹត្តិការណ៍នេះឡើងនៅខេត្តសៀមរាប ព្រមទាំងក្រុមហ៊ុនដែលបានគាំទ្រឧបត្ថម្ភ ព្រឹត្តិការណ៍នេះ ។ឯកឧត្តម ឡាំង អូណា ប្រធានសហព័ន្ធកីឡាឡើងភ្នំកម្ពុជា បានបញ្ជាក់ថា ព្រឹត្តិការណ៍ប្រកួតកីឡាឡើងភ្នំជើងឯកថ្នាក់ជាតិឆ្នាំ២០២៤ នៅលើទឹកដីប្រវត្តិសាស្ត្រសៀមរាប-អង្គរ ក្នុងការចូលរួមជា មួយរាជរដ្ឋាភិបាលកម្ពុជា ក្នុងការទាក់ទាញដល់ភ្ញៀវទេសចរជាតិ អន្តរជាតិ ចូលមកទស្សនាកម្សាន្តនៅខេត្តសៀមរាប ដែលជាខេត្តសម្បូរទៅដោយសម្បត្តិវប្បធម៌ និងធម្មជាតិ។ វិស័យកីឡាឡើងភ្នំនេះ យើងធ្លាប់ឃើញមាននៅក្រៅប្រទេសតែប៉ុណ្ណោះ តែនៅកម្ពុជាយើងបានចាប់ដំណើរការកីឡាអាជីពនេះ មានរយៈពេល១០ឆ្នាំមកហើយ ព្រមទាំងមានការបង្ហាត់ បង្រៀនពីគ្រូជំនាញ ដល់កីឡាកតកីឡាការិនីកម្ពុជាយើង។ ឯកឧត្តមបានបន្តថា ដើមី្បឱ្យវិស័យកីឡាឡើងភ្នំនេះ កាន់តែ មានភាពរីកចម្រើន សូមសមាជិកសហព័ន្ធ និង យុវជនសហភាពសហព័ន្ធយុវជនកម្ពុជា ត្រូវចូលរួមធ្វើការផ្សព្វផ្សាយ ឲ្យកាន់តែស៊ីជម្រៅដល់ស្រទាប់យុវជនកម្ពុជាយើង ដើមី្បឲ្យកីឡាឡើងភ្នំកម្ពុជា ដែលជាប្រភេទកីឡាអូឡាំពិក មិនមែនជាកីឡាប្រពៃណីនោះឡើយ ។ ម៉្យាងទៀតកម្ពុជាយើងក៏មានកីឡាករល្អ និងអាចទៅចូលរួមក្នុងការប្រកួតនៅថ្នាក់អន្តរ ជាតិ លើពិភពលោក និង លើកស្ទួយនូវមុខមាត់ប្រទេសជាតិផងដែរ ។ ក្នុងព្រឹត្តិការណ៍នេះ ក៏ធ្វើឡើង ក្នុងគោលបំណង ចូលរួមជាមួយរាជរដ្ឋាភិបាល ដើមី្បអបអរសាទរពិធីបើកការដ្ឋានព្រែកជីកហ្វូណនតេជោ ដែលជាផលប្រយោជន៍របស់ ប្រជាពលរដ្ឋកម្ពុជា ។ ក្នុងកម្មវិធីនេះដែរ ដើមី្បធ្វើការផ្សព្វផ្សាយឲ្យបានយល់ដឹងអំពីកីឡាឡើងភ្នំកម្ពុជា ដូច្នេះកីឡាបាន នាំមកនូវសុខភាពល្អ កាយសម្បទាមាំមួនប្រាជ្ញាវៃឆ្លាតទៀតផង ៕
