នៅចុងសប្តាហ៍ថ្ងៃទី១០ ខែសីហា ឆ្នាំ២០២៤ លោក យុន លីនណេ អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប ដើមឈើប្រភេទក្ងោក ចំនួន៥០០ដើម ត្រូវបានដាំតាមដងវិថី ក្នុងភូមិសាស្ត្រសង្កាត់ស្វាយដង្គំ និង សង្កាត់គោកចក ក្រុង ខេត្តសៀមរាប ក្រោមការឧបត្ថម្ភគាំទ្រពីសមាគមសហគ្រិនស្ត្រីកម្ពុជា និង ក្លឹបធនធានមនុស្សខេត្តសៀមរាប ត្រូវបានអាជ្ញាធរខេត្ត ដឹកនាំយុវជន ចៅសង្កាត់ទាំងពីរ ដោយមានការចូលរួមពីវិស័យឯកជនរួមគ្នាដាំនៅ តាមដងផ្លូវ ៣៨ខ្សែក្នុងក្រុងសៀមរាប ដើម្បីជាការជម្រុញ និងលើកសោភ័ណ្ឌភាពតំបន់ទេសចរណ៍ និងបង្កើតភាពបៃតងនៅតាមដងផ្លូវក្នុងក្រុងទាំងមូល។លោក យុន លីនណេ ដើមឈើមានតួនាទីសំខាន់ណាស់ ក្នុងការជួយលើកកម្ពស់ភាពបៃតងក្នុងមូលដ្ឋាន ក៏ដូចជាបង្កើនភាពទាក់ទាញដល់ភ្ញៀវទេសចរថែមទៀតផង ព្រៃឈើក៏បានផ្ដល់នូវសេវាកម្ម និងជួយគាំពារផ្នែកបរិស្ថានជាច្រើនទៀត ដូចជាការការពារទីជម្រាល ទប់ស្កាត់ការហូរច្រោះដី ការធ្វេីឱ្យប្រសើរឡើងនៃគុណភាពដី កាត់បន្ថយបម្រែបម្រួលអាកាសធាតុ ។ ចំពោះការដាំកូនឈើតាមដងផ្លូវក្នុងក្រុងសៀមរាប មានចំនួន៤១ខ្សែ នៅចិញ្ចើមផ្លូវមានក្រាលការ៉ូឡា និងផ្លូវមិនមានក្រាលការ៉ូឡា ដែលអាជ្ញាធរខេត្តគ្រោងនឹងដាំកូនឈើចម្រុះឱ្យ ២៤ ពាន់ដើម ក្នុងរយៈពេល២ឆ្នាំ ដែលមកដល់ពេលនេះ ការដាំដើមឈើក្នុងក្រុងបានជាង ១០ពាន់ដើម រួចហើយ ក្នុងនោះមានដើមឈើធំៗជិត៦ពាន់ដើម និងដើមឈើតូចៗបានជិត ១០ពាន់ដើមទៀត។ លោក យុន លីនណេ បញ្ជាក់ទៀតថា ការដាំដើមឈើទាំងអស់មិនត្រឹមតែមានដើមឈើប្រណិតទេ ថែមទាំងមានប្រភេទដើមដែលមានផ្កា ដូចជា ដើមរំដួល ដើមត្របែកព្រៃ ឬ ដើមក្ងោកជាដើម ដែលអាចលូតលាស់ និងមានផ្កាទៅតាមរដូវកាល ដែលធ្វើឱ្យទីក្រុងប្រវត្តិសាស្ត្រមួយនេះ មានសម្រស់គ្រប់រដូវកាល។ ជាមួយគ្នានេះ លោកសូមឱ្យបងប្អូនប្រជាពលរដ្ឋ និង បណ្តាក្រុមហ៊ុនទាំងអស់ ដែលនៅអមសង្ខាងផ្លូវសូមចូលរួមថែទាំ ស្រោចទឹក ដាក់ជី ចំពោះដើមឈើដែលមាននៅមុខគេហដ្ឋាន ឬក្រុមហ៊ុនរបស់ខ្លួន ដើម្បីឲ្យដើមឈើទាំងនោះលូតលាស់បានល្អ ដើម្បីបង្កើនសោភ័ណភាព កាត់បន្ថយការកើនឡើងកម្ដៅក្នុងទីក្រុង ព្រមទាំងធ្វើក្រុងប្រែក្លាយជាក្រុងបៃតង ។ លោកអភិបាលរងខេត្ត បានអំពាវនាវដល់អាជ្ញាធរមូលដ្ឋាន ព្រះសង្ឃ មន្ត្រីរាជការ និង សិស្ស-និស្សិត ប្រជាពលរដ្ឋ និង វិស័យឯកជន ក្រុមហ៊ុន អង្គការក្រៅរដ្ឋាភិបាល ចូលរួមដាំដើមឈើឲ្យបានច្រើន នៅតាមវត្តអារាម ដងផ្លូវសាធារណៈ ដើម្បីជាផលប្រយោជន៍ដល់ខ្លួនឯង ក៏ដូចជាមនុស្សជាតិទាំងមូល ស្របតាមគោលការណ៍របស់រាជរដ្ឋាភិបាល ។
ដើមឈើប្រភេទក្ងោក ចំនួន៥០០ដើម ត្រូវបានដាំតាមដងវិថី ក្នុងភូមិសាស្ត្រសង្កាត់ស្វាយដង្គំ និង សង្កាត់គោកចក ក្រុង ខេត្តសៀមរាប
- 12
- ដោយ vannak
អត្ថបទទាក់ទង
-
សម្តេចធិបតី ហ៊ុន ម៉ាណែត នាយករដ្ឋមន្ត្រីជួបសំណេះសំណាលជាមួយបងប្អូនអាជីវករ មគ្គុទ្ទេសក៍ទេសចរណ៍ ប្រជាពលរដ្ឋខ្មែរ និងភ្ញៀវបរទេស ព្រមទាំងថ្វាយបង្គំព្រះ នៅវត្តឥន្ទបត្តបុរីខាងជើង និងខាងត្បូងអង្គរវត្ត
- 12
- ដោយ vannak
-
ភូមិវត្តបូព៌នឹងរៀបចំឱ្យមានការតាំងលក់ដូរម្ហូបអាហារ ផ្ទាំងទស្សនីយភាពសិល្បៈកំសាន្ត និងអមដោយបរិស្ថានស្រស់បំព្រង ក្រៅតែពីមានវត្តអារ៉ាមដ៏មានវ័យចំណាស់ និងសាលារៀនគំរូ
- 12
- ដោយ vannak
-
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ឆ្លៀតក្រៅម៉ោងធ្វើការរដ្ឋ មកមើលថ្ងៃរះនៅប្រាសាទអង្គរវត្ត
- 12
- ដោយ vannak
-
សូមទស្សនា សុន្ទរកថាពិសេសរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា
- 12
- ដោយ vannak
-
ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធ សូមគោរពអបអរសាទរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសទទួលសញ្ញាបត្របណ្ឌិតកិត្តិយស « ភាពជាអ្នកដឹកនាំ និងការកសាងសន្តិភាព » ពីសាកលវិទ្យាល័យ ដុងហ្គុកវាយស៍ ( Dongguk Wise University ) នៃសាធារណរដ្ឋកូរ៉េ នាថ្ងៃទី១២ ខែកញ្ញា ឆ្នាំ២០២៤។
- 12
- ដោយ vannak
-
កិច្ចប្រជុំផ្សព្វផ្សាយដំណើរការរៀបចំ និងកសាងផែនការអភិវឌ្ឍន៍ប្រាំឆ្នាំ ២០២៥-២០២៩ របស់រដ្ឋបាលខេត្ត
- 12
- ដោយ vannak
-
រដ្ឋបាលខេត្តសៀមរាប សូមជូនដំណឹងដល់បណ្តាក្រុមហ៊ុន/សហគ្រាស ទាំងអស់ ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា
- 12
- ដោយ vannak
-
គ្រឹះស្ថានអង្គរចេញសេចក្តីជូនដំណឹង ស្តីពីការកែទម្រង់ប្រតិបត្តិការលក់បណ្ណ និងត្រួតពិនិត្យបណ្ណ
- 12
- ដោយ vannak
-
រដ្ឋបាលខេត្តសៀមរាបចេញសេចក្តីប្រកាសព័ត៌មានពាក់ព័ន្ធនឹងផ្លូវមួយខ្សែស្ថិតនៅភូមិជ្រាវ សង្កាត់ជ្រាវ ក្រុងសៀមរាប ដែលរងការ ខូចខាត នាពេលកន្លងមក
- 12
- ដោយ vannak
-
ក្រុមការងារអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ចុះសិក្សាស្រាវជ្រាវ និងវាយតម្លៃការផ្តល់សេវារដ្ឋបាលតាមយន្តការច្រកចេញចូលតែមួយនៅរដ្ឋបាលឃុំ សង្កាត់ ក្នុងខេត្តសៀមរាប
- 12
- ដោយ vannak