រសៀលថ្ងៃចន្ទ ទី១៩ ខែសីហា ឆ្នាំ២០២៤ រដ្ឋបាលខេត្តសៀមរាប រៀបចំពិធីចុះហត្ថលេខាលើកិច្ចសន្យា ស្តីពីការប្រតិបត្តិការ និងការថែទាំស្ថានីយ៍ប្រព្រឹត្តកម្មសំណល់ភក់ និងការផលិតជីសរីរាង្គ រវាងរដ្ឋបាលខេត្តសៀមរាប និងក្រុមហ៊ុន ហ្រ្គីនប្រូហ្វឺទីល អេនធឺប្រាយ អេនសឺវីស ឯ.ក នៃគម្រោងផលិតជីសរីរាង្គ ដឹកនាំដោយ លោក អ៉ឹង គឹមលាង អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប ដោយមានសមាសភាពចូលរួម គណៈកម្មការដឹកនាំគម្រោង និងមន្ត្រីលេខាធិការដ្ឋាន ។ពិធីចុះហត្ថលេខាលើកិច្ចសន្យា ស្តីពីការប្រតិបត្តិការ និងការថែទាំស្ថានីយ៍ប្រព្រឹត្តកម្មសំណល់ភក់ និងការផលិតជីសរីរាង្គ រវាងរដ្ឋបាលខេត្តសៀមរាប និងក្រុមហ៊ុន ហ្រ្គីនប្រូហ្វឺទីល អេនធឺប្រាយ អេនសឺវីស ឯ.ក នៃគម្រោងផលិតជីសរីរាង្គ មានសុពលភាព៥ឆ្នាំ ស្របតាមការណែនាំរបស់ក្រសួងសេដ្ឋកិច្ច និងហិរញ្ញវត្ថុ។
