ព្រឹកថ្ងៃទី២៨ ខែសីហា ឆ្នាំ២០២៤ លោកស្រី ម៉ននី រងី្ស អភិបាលរងខេត្ត និងជាអនុប្រធានអចិន្ត្រៃយ៍ គ.ខ.ប.ជ តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានចូលជាអអិបតីភាពក្នុងវគ្គបណ្តុះបណ្តាលពង្រឹងសមត្ថភាពសមាជិកលេខាធិការដ្ឋាន នៃគណៈកម្មាធិការប្រយុទ្ធប្រឆាំងអំពើជួញដូរមនុស្សថ្នាក់ខេត្ត ស្តីពីការអនុវត្តតួនាទីភារកិច្ច ច្បាប់ គោលនយោបាយពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស និងកិច្ចការពារកុមារ ព្រមទាំងមានការអញ្ជើញចូលរួមពីថ្នាក់ដឹកនាំមន្ទីរ អង្គភាពជុំវិញខេត្ត រដ្ឋបាលក្រុង ស្រុក និង អង្គការដៃគូ។ វគ្គបណ្តុះនេះដែរ រៀបចំឡេីងដេីម្បីឱ្យសមាជិកទាំងអស់បានយល់ដឹងបន្ថែមអំពីរចនាសម្ព័ន្ធ ការអនុវត្តតួនាទីភាកិច្ច ច្បាប់ គោលនយោបាយដែលពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស និងកិច្ចការពារកុមារពីការរំលោភបំពាននានា ការអនុវត្ត សកម្មភាព បង្ការទប់ស្កាត់ ការបង្ក្រាបបទល្មើសនានាពាក់ព័ន្ធនឹងអំពើជួញដូរមនុស្ស និងអំពើហិង្សា ទាក់ទងនឹងយេនឌ័រ ការផ្តន្ទាទោសជនល្មើស ការការពារជនរងគ្រោះ ការពង្រឹងសមត្ថភាពក្រុម ការងារពាក់ព័ន្ធនិងកិច្ចសហប្រតិបត្តិ ក្នុងឆ្នាំ ២០២៤ដើម្បីធ្វើការតាមដាន ត្រួតពិនិត្យ និងវាយតម្លៃ លើលទ្ធផលការងាររបស់ខ្លួន៕