រសៀលថ្ងៃទី៤ ខែកញ្ញា ឆ្នាំ២០២៤ នោរដ្ឋបាលខេត្តសៀមរាបលោក លី សារី អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានអញ្ជេីញជួបសម្តែងការគួរសម និងពិភាក្សាការងារជាមួយ គណៈប្រតិភូមហាវិទ្យាល័យការពារជាតិ នៃសាធារណរដ្ឋឥណ្ឌា ដែលដឹកនាំដោយ លោកឧត្តមសេនីយ៍ទោ Mukesh Aggarwal នាយទាហានជាន់ខ្ពស់កងទ័ពជើងគោក នៃមហាវិទ្យាល័យការពារជាតិ និងប្រតិភូអមដំណើរចំនួន ២០រូប និងមានការចូលរួមពីលោកនាយករងរដ្ឋបាល លោកឧត្តមសេនីយ៍ត្រី មេបញ្ជាការ នៃបញ្ជាការដ្ឋានកងរាជអាវុធហត្ថខេត្ត លោកឧត្តមសេនីយ៍ត្រី ស្នងការ នៃស្នងការដ្ឋាននគរបាលខេត្តស្តីទី លោកវរសេនីយ៍ឯក មឿង សាវន់ មេបញ្ជាការរងតំបន់ប្រតិបត្តិការសឹករងខេត្ត លោក នាយកទីចាត់ការទំនាក់ទំនងសាធារណៈ និងសហប្រតិបត្តិការអន្តរជាតិសាលាខេត្ត លោក នាយករងទីចាត់ការអន្តរវិស័យសាលាខេត្ត និងមន្ត្រីជំនាញ។
