នាល្ងាច ថ្ងៃទី២៤ ខែវិច្ឆិកា ឆ្នាំ២០២៤ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តបានចូលរួមក្នុងពិធីទទួលទានអាហារពេលល្ងាច ស្វាគមន៍គណៈប្រតិភូកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន នៃអនុសញ្ញាអូតាវ៉ា ក្រោមអធិបតីភាព ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដោយមានការអញ្ជេីញចូលរួមពី ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០២៤ និងគណៈប្រតិភូនៃប្រទេសជាសមាជិកសន្ធិសញ្ញាអូតាវ៉ាប្រមាណ១៦៤ប្រទេស ព្រមទាំងគណៈប្រតិភូរដ្ឋភាគី ឥស្សរជនជាតិជាន់ខ្ពស់ អង្គទូតនានា ដៃគូអភិវឌ្ឍន៍ និង តំណាងវិស័យឯកជនជាច្រើននាក់ នៅបរិវេណប្រាសាទបាយ័ន។
