រសៀលថ្ងៃទី២៥ ខែវិច្ឆិកា ឆ្នាំ២០២៥ លោក លី សារី អភិបាលរងខេត្តតំណាងឯកឧត្ដម ប្រាក់ សោភ័ណ អភិបាល នៃគណៈអភិបាលខេត្តបានចូលរួមកិច្ចប្រជុំ ស្តីពីចុះត្រួតពិនិត្យគម្រោងចាស់ និងគ្រោងថ្មី តាមបណ្តាខេត្តជុំវិញទន្លេរសាប ដែលមានប្រតិភូ ADB សហការជាមួយក្រសួងធនធានទឹក និងឧតុនិយម និងក្រសួងពាក់ព័ន្ធក្រោមអធិបតីភាព ឯកឧត្តម ចាន់ ស៊ីណាត រដ្ឋលេខាធិការ តំណាង ឯកឧត្តម ថោ ជេដ្ឋា រដ្ឋមន្ដ្រី ក្រសួងធនធានទឹក និងឧតុនិយម ។
ក្រោយពីអង្គប្រធានអង្គប្រជុំ បានពិភាក្សាគ្នារួចមក អង្គប្រជុំបានសម្រេច គណៈប្រតិភូនឹងចុះបំពេញបេសកកម្មថ្ងៃទី២៦ ខែវិច្ឆិកា ឆ្នាំ ២០២៤តទៅ។ ដោយឡែកចំពោះខេត្តសៀមរាប ត្រូវសិក្សា និងអនុវត្តគម្រោងក្រៅតំបន់អប្សរា ព្រមាទាំងត្រួតពិនិត្យឡើងវិញ ចំពោះទំនប់ និងអាងអូរបាយតាប់ និងលើកគម្រោងសាងសង់ទំនប់ចម្ងាយប្រហែល ២គីឡូម៉ែត្រ ជាបេតុងអាមេ។
