កាលពីរសៀលថ្ងៃទី២៥ ខែវិច្ឆិកា ឆ្នាំ២០២៤ នៅសាលប្រជុំធំសាលាខេត្ត លោក សំកុល សុចិត្រា អភិបាលរងខេត្ត និងជាប្រធានគណៈកម្មការរៀបចំសណ្តាប់ធ្នាប់ និងរបៀបរៀបរយសាធារណៈក្នុងភូមិសាស្ត្រខេត្តសៀមរាប ដោយមានការចូលរួមពីមន្ទីរ អង្គភាពពាក់ព័ន្ធផងដែរ។
ក្រោយពីស្តាប់បទបង្ហាញ និងពិភាក្សាគ្នារួចមក លោក អភិបាលរងខេត្តបានឱ្យក្រុមការងារពិនិត្យទីតាំងមួយចំនួនដែលត្រូវបំពាក់ស្លាកសញ្ញាចរាចរណ៍បន្ថែម។ ដោយឡែកចំពោះ ការលក់ដូរតាមផ្លូវរបស់បងប្អូនត្រូវណែនាំបន្ថែមអំពីការសម្អាតផ្លូវ ពិសេសការចាក់កាកសំណល់ចូលក្នុងលូ។
លោក អភិបាលរងខេត្តបន្តថា ក្រុមការងារទាំងអស់ត្រូវអនុវត្តការរៀបចំសណ្តាប់ធ្នាប់នេះឱ្យកាន់តែប្រសេីរឡេីងថែមទៀត។ ដោយឡែកចំពោះចំណតសាធារណៈដែលនៅតាមបណ្តោយផ្លូវមួយចំនួន សូមបងប្អូនប្រជាពលរដ្ឋកុំយកចំណតទាំងនោះជារបស់ឯកជន ដោយប្រេីជាប្រយោជន៍សាធារណៈ៕
