ឯកឧត្តម ទៀ សីហា អភិបាលនៃគណៈអភិបាល បានជម្រុញមន្ត្រីបន្តយកចិត្តទុកដាក់លើការងារអាទិភាពក្នុងការស្តារវិស័យទេសចរណ៍ខេត្ត ក្រោយពេលចប់វិបត្តិជំងឺកូវីដ១៩។ ក្នុងនោះឯកឧត្តម អភិបាលខេត្ត បានណែនាំដូចខាងក្រោម៖១. បន្តកែលម្អសោភ័ណក្រុង ដោយបន្តការងារកសាងហេដ្ឋារចនាសម្ព័ន្ធផ្លូវថ្នល់ លូ ប្រឡាយ ការងារបើកផ្លូវ និងការកែលម្អ និងលើកកំពស់ស្ទឹងសៀមរាបដែលកំពុងតែសិក្សា២. បន្តការងារសំអាតបរិស្ថាន ដោយពង្រឹង គុណភាពសេវាប្រមូលសំរាម ការកែឆ្នៃសំរាមដុតយកថាមពលអគ្គិសនី និងការបោសសំអាតធូលីតាមដងផ្លូវជាដើម។៣. រៀបចំទាក់ទាញទេសចរណ៍ក្នុងស្រុក និងអន្តរជាតិក្រោយពេលចប់ដោយផ្អែកលើសក្តានុពលនានាថ្មីៗ បន្ថែមទៀតនៅតាមបណ្តាស្រុកចំណុចដែលបានរៀបរាប់ខាងលើ គ្រាន់តែជាចំណុចមួយចំនួន នៃយន្តការដែលខេត្តរៀបចំត្រៀមលក្ខណៈសម្បត្តិសម្រាប់ចូលរួមចំណែកស្តារវិស័យទេសចរណ៍ក្នុងខេត្ត។ ជាមួយគ្នានេះ រដ្ឋបាលខេត្ត បានទទួលជំនួយជារថយន្តបោសសំអាតធូលីតាមផ្លូវចំនួន៣គ្រឿង ក្នុងនោះ ២គ្រឿងជាជំនួយរបស់ខេត្តយូណាន ដែលជាខេត្តចងសម្ព័ន្ធភាព និង១គ្រឿងទៀត ជាជំនួយរបស់ក្រុមហ៊ុន Ly brother Limited ហើយដែលកាលពីព្រឹក ថ្ងៃទី១២ ខែមិថុនា ឆ្នាំ២០២០ ឯកឧត្តម អភិបាលខេត្ត បានប្រគល់ដល់រដ្ឋបាលក្រុងសៀមរាបសម្រាប់ប្រើប្រាស់ចំនួន១គ្រឿងរួចហើយផងដែរ។