ថ្ងៃសុក្រ ១៤ កើត ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៣០ ខែតុលា ឆ្នាំ២០២០ លោក ឃុត សំអាត ប្រធានគណ:កិត្តិយស លោកស្រី ម៉ននី រង្សី ប្រធានគណៈកម្មាធិការអនុសាខា អនុប្រធាន មន្ត្រីប្រចាំការ និងសមាជិកសហភាពសហព័ន្ធយុវជនកម្ពុជាស្រុក បាននាំយកអំណោយមនុស្សធម៌ ជូនដល់គ្រួសាររងគ្រោះ ឈ្មោះ ភ្លឿត ចាន់រដ្ឋា ភេទស្រី អាយុ០៥ឆ្នាំ មានទីលំនៅបច្ចុប្បន្ន ភូមិភ្នំទ្រង់បាត ឃុំកំពង់ថ្កូវ ស្រុកក្រឡាញ់ ខេត្តសៀមរាប ដែលបានលង់ទឹកស្លាប់នៅវេលាម៉ោង ១៧:៣0 នាទីល្ងាច កាលពីថ្ងៃទី២៩ ខែតុលា ឆ្នាំ២០២០ នៅចំណុចវាលខាងជើងផ្ទះ។នាឱកាសនោះ លោកស្រីបានពាំនាំនូវការផ្តាំសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលតែងតែយកចិត្តទុកដាក់គិតគូរចំពោះប្រជាពលរដ្ឋគ្រប់រូប មិនប្រកាន់ វណ្ណៈ ព័ណ៌សម្បុរ សាសនា ឬនិន្នាការនយោបាយណាមួយឡើយ និងមិនទុកអ្នកណាចោល នៅពេលប្រជាពលរដ្ឋជួបការលំបាក។ លោកស្រីបានលើកឡើងទៀតថា ដោយក្នុងឃុំយើងកំពុងតែកើតមានឡើងនូវជំនន់ទឹកភ្លៀង សូមឪពុកម្ដាយ មានការប្រុងប្រយ័ត្នខ្ពស់ ដល់បុត្រា បុត្រីជៀសវាងមានហេតុការអាក្រក់កើតមានចំពោះកូនៗ ព្រោះស្ថានភាពទឹកជំនន់បាននឹងបន្តកើនឡើង។អំណោយមនុស្សធម៌ដែលផ្តល់ជូនមាន៖ មុង១ ភួយ១ សារុង១ ក្រមា១ អាវយឺត២ អង្ករ ៣០គីឡូក្រាម មី១កេស ត្រីខ ១យួរ កន្ទេល ១ ទឹកសុទ្ធ ៤យួរ ទឹកក្រូច ២យួ ខ្នើយ ១ ធុងទឹកកកតូច ១ បំពង់ទឹកក្តៅ ១ ចានដែកធំ ១ និងថវិកា ១សែនរៀល និងថវិកាចូលរួមរបស់លោក ប៉ែន ប៊ុនរិទ្ធ សមាជិកក្រុមប្រឹក្សាស្រុក ចំនួន ៥ម៉ឺនរៀល ព្រមទាំងភេសជ្ជៈរបស់ ស.ស.យ.ក ចំនួន ០១កេស។