រដ្ឋបាលខេត្តសៀមរាប

Siemreap Administration
ស្វែងរក

រដ្ឋបាលស្រុកក្រឡាញ់ បាននាំយកអំណោយមនុស្សធម៌ ចែកជូនដល់គ្រួសាររងគ្រោះដោយទឹកជំនន់ និងលង់ទឹកស្លាប់​

ព្រឹកថ្ងៃអង្គារ ៣រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៣ ខែវិច្ឆិកា ឆ្នាំ២០២០ លោកស្រី ម៉ននី រង្សី អភិបាល នៃគណអភិបាលស្រុកនិងជាប្រធានគណៈកម្មាធិការគ្រប់គ្រោះមហន្តរាយស្រុក លោក ឃុត សំអាត ប្រធានក្រុមប្រឹក្សាស្រុក ព្រមទាំងលោក លោកស្រី អភិបាលរងស្រុក សមាជិក សមាជិកាក្រុមប្រឹក្សាស្រុក មន្រ្តីរាជការនៃរដ្ឋបាលស្រុក លោក អធិការរង មេបញ្ជាការងកងរាជអាវុធហត្ថ និងផ្នែកសឹករងស្រុក តំណាងសមាគមនារីកម្ពុជា ដើម្បីសន្តិភាព និងអភិវឌ្ឍន៍ស្រុក សហភាពសហព័ន្ធយុវជនកម្ពុជា ស្រុក លោក មេឃុំ ក្រុមប្រឹក្សាឃុំ លោកនាយប៉ុស្តិ៍ យុវជនឃុំ ប្រជាកាពារ និងលោកមេភូមិក្នុងឃុំស្នួល និងឃុំក្រូចគរ បាននាំយកអំណោយមនុស្សធម៌ ចែកជូនដល់គ្រួសាររងគ្រោះដោយទឹកជំនន់ ចំនួន​ ១៩៤គ្រួសារ​ នៅឃុំស្នួល​ និងឃុំក្រឡាញ់​ និងបាននាំយកអំណោយមនុស្សធម៌ចែកជូន​ គ្រួសារលង់ទឹកស្លាប់​ ចំនួន​ ១គ្រួសារ​ នៅឃុំសំបួរ​ ស្រុកក្រឡាញ់។ មានប្រសាសន៍នាឱកាសនោះ លោកស្រីបានពាំនាំនូវការផ្តាំសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលតែងតែយកចិត្តទុកដាក់គិតគូរចំពោះប្រជាពលរដ្ឋគ្រប់រូប មិនប្រកាន់ វណ្ណៈ ព័ណ៌សម្បុរ សាសនា ឬនិន្នាការនយោបាយណាមួយឡើយ និងមិនទុកអ្នកណាចោល នៅពេលប្រជាពលរដ្ឋជួបការលំបាក។ លោកស្រីនិងក្រុមការងារបានចូលរួមរំលែកនូវមរណទុក្ខដ៏ក្រៀមក្រំនេះជាមួយក្រុមគ្រួសារនៃសព និងបានផ្ដាំផ្ញើលោកយាយ លោតា ឪពុកម្ដាយ បន្តមានការប្រុងប្រយ័ត្នខ្ពស់ចំពោះកូនចៅតូចៗ ជៀសវាងមានហេតុការអាក្រក់កើតមានចំពោះកូនចៅ បើទោះជាស្ថានភាពទឹកជំនន់កំពុងបន្តស្រកចុះក៏ដោយ ព្រមទាំងបន្តថែរក្សាការពារខ្លួនពីជំងឺកូវីដ១៩ និងគ្រោះថ្នាក់ផ្សេងៗផងដែរ។អំណោយមនុស្សធម៌ដែលបានចែកជូនគ្រួសាររងគ្រោះដោយទឹកជំនន់​ ក្នុង ១គ្រួសារ ទទួលបាន អង្ករ ២០គីឡូ មី ១កេស​ ទឹកត្រី ៣ដប ទឹកស៊ីអ៊ីវ ៣ដប សាប៊ូ ១កញ្ចប់ ត្រីខ ៥កំប៉ុង​ និងអំណោយមនុស្សធម៌ដែលផ្តល់ជូនគ្រួសារលង់ទឹកស្លាប់​ ទទួលបានមុង១ ភួយ១ សារុង១ ក្រមា១ អាវយឺត២ អង្ករ ៣០គីឡូក្រាម មី១កេស ត្រីខ ១យួរ កន្ទេល ១ ទឹកសុទ្ធ ៤យួរ ទឹកក្រូច ២យួ ខ្នើយ ១ ធុងទឹកកកតូច ១ ចានស្រាក់ ១ បំពង់ទឹកក្តៅ ១ ចានដែកធំ ១ និងថវិកា ១សែនរៀល៕

អត្ថបទទាក់ទង