រដ្ឋបាលខេត្តសៀមរាប

Siemreap Administration
ស្វែងរក

កិច្ចប្រជុំពិភាក្សាលេីសំណេីសុំបង្កេីតគណៈកម្មការវាយតម្លៃ​ និងសិក្សាលេីគម្រោងជីក​ បូម​ ស្តារ​ កន្លែងអភិរក្សត្រីពូជបឹងពារាំង​ ស្ថិតក្នុងដែននេសាទសហគមន៍ចុងឃ្នៀស​ និងសមាគមទេសចរណ៍បឹងពារាំង សង្កាត់ជ្រាវ ក្រុងសៀមរាប​ ខេត្តសៀមរាប

នៅថ្ងៃទី​២៨​ ខែធ្នូ​ ឆ្នាំ២០២០​ វេលាម៉ោង​ ១៥៖០០នាទីរសៀល​ សាលប្រជុំលេខ​ ០១​ សាលាខេត្ត​ បានបេីកកិច្ចប្រជុំពិភាក្សាលេីសំណេីសុំបង្កេីតគណៈកម្មការវាយតម្លៃ​ និងសិក្សាលេីគម្រោងជីក​ បូម​ ស្តារ​ កន្លែងអភិរក្សត្រីពូជបឹងពារាំង​ ស្ថិតក្នុងដែននេសាទសហគមន៍ចុងឃ្នៀស​ សង្កាតចុងឃ្នៀស និងសមាគមទេសចរណ៍បឹងពារាំង សង្កាត់ជ្រាវ ក្រុងសៀមរាប​ ខេត្តសៀមរាប​ ក្រោមការដឹកនាំដោយ លោក ង៉ាន់​ ភិរុណ​ អភិបាលរង​ នៃគណៈអភិបាលខេត្ត​ ដោយមានការអញ្ជេីញចូលរួមពីរដ្ឋបាលក្រុងសៀមរាប​ មន្ទីរបរិស្ថានខេត្ត​ មន្ទីរកសិកម្ម​ រុក្ខាប្រមាញ់​ និងនេសាទខេត្ត​ មន្ទីរធនធានទឹក​ និងឧតុនិយមខេត្ត​ មន្ទីររៀបចំដែន​ នគរូបនីយកម្ម​ សំណង់​ និងសុរិយោដីខេត្ត​ ទីចាត់ការ​អន្តរ​វិស័យ​សាលាខេត្ត​ នាយខណ្ឌជលផល​ ចៅសង្កាត់​ជ្រាវ​ និងចៅសង្កាត់ចុងឃ្នៀស​។

បន្ទាប់ពីពិភាក្សាគ្នាយ៉ាងយកចិត្តទុកដាក់រួចមក​ អង្គប្រជុំបានសម្រេចដូចខាងក្រោម៖
១-ស្នើសុំការពិនិត្យ និងសម្រេចពីឯកឧត្តម អភិបាល នៃគណៈអភិបាលខេត្ត ដើម្បីបង្កេីតគណៈកម្មការវាយតម្លៃ​ និងសិក្សាលេីគម្រោងជីក​ បូម​ ស្តារ​ កន្លែងអភិរក្សត្រីពូជបឹងពារាំង​ ដែលដឹកដោយឯកឧត្តម​ អភិបាល​ នៃគណៈអភិបាលខេត្ត​។
២-មន្ទីរកសិកម្ម​ រុក្ខាប្រមាញ់​ និងនេសាទខេត្ត​ ត្រូវរៀបចំផែនការ​ ផែនទី​ និងប្លង់ នៃគម្រោងស្តារ​បឹងពារាំងអោយបានត្រឹមត្រូវស្របតាមលក្ខណះបច្ចេកទេស និងលិខិតបទដ្ឋានគតិយុត្តជាធរមាន។
៣-មន្ទីរបរិស្ថានខេត្ត​ ត្រូវរៀបចំចុះពិនិត្យ​ និងវាយតម្លៃហេតុផលប៉ះពាល់បរិស្ថាន​ នៃគម្រោងស្តារ​បឹងពារាំងអោយបានត្រឹមត្រូវតាមគោលការណ៍ច្បាប់​៕

អត្ថបទទាក់ទង