រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

មន្ទីរបរិស្ថាន​ បានរៀបចំកិច្ចប្រជុំបូកសរុបលទ្ធផលការងារប្រចាំឆមាសទី២ ឆ្នាំ២០២០ ​និងលើកទិស​ដៅ​អនុវត្តការងារបន្ត

ដោយ អ៊ុក ពិស្តារចំនួនទស្សនា (12)

រលៀលថ្ងៃអង្គារ ១៥កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៩ ខែធ្នូ ឆ្នាំ២០២០ វេលាម៉ោង២ និង៣០នាទី នៅសាលប្រជុំធំរបស់រដ្ឋបាលខេត្តសៀមរាប​មាន កិច្ចប្រជុំបូកសរុបលទ្ធផលការងាររបស់មន្ទីបរិស្ថាន ប្រចាំឆមាសទី២ ឆ្នាំ២០២០ និងលើកទីស​ដៅ​អនុវត្តការងារបន្ត ក្រោមអធិបតីភាព ឯកឧត្តម សៅ សុភាព រដ្ឋលេខាធិការក្រសួងបរិស្ថាន លោក ង៉ាន់ ភិរុណ អភិបាលរង តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល​ នៃគណៈអភិបាល​​ខេត្តសៀមរាប ដោយមានការអញ្ជើញចូលរួមពីឯកឧត្តម លោកជំទាវ និងលោក​ លោកស្រី តំណាងរដ្ឋបាលក្រុង​ ស្រុកទាំង១២ ទីចាត់ការ អង្គភាព ចំណុះ រដ្ឋបាលខេត្ត ថ្នាក់ដឹកនាំ មន្រ្តីរាជការនៃមន្ទីរបរិស្ថានខេត្ត និងតំណាងអង្គការជាតិ-អន្តរជាតិ។

បន្ទាប់ពីលោកប្រធានមន្ទីរបរិស្ថានខេត្ត​ បានថ្លែងរបាយការណ៍សង្ខេបរបស់មន្ទីរបរិស្ថានប្រចាំឆ្នាំ២០២០រួចមក លោក ង៉ាន់ ភិរុណ បានមានប្រសាសន៍ក្នុងពេលនោះដែលថា ទោះបីជាស្ថិ​ត​ក្នុងបរិបទ នៃការរាតត្បាតជាសាកលរបស់ជំងឺកូវីដ-១៩ និងបានជះឥទ្ធិពលដោយផ្ទាល់ និង​ប្រយោល​​មកលើប្រទេសកម្ពុជា ជាពិសេសខេត្តសៀមរាប ដែលជាគោលដៅចម្បងក្នុង​វិស័យ​ទេសចរណ៍ក៏ដោយ​ ក៏មន្ទីរបរិស្ថានខេត្ត បានខិតខំអនុវត្តការងារទទួលបាន ​លទ្ធផលជាច្រើនគួរជាទីមោទនៈ។ លទ្ធផលទាំងអស់នេះ ពុំមែនផ្តល់អត្ថប្រយោជន៍សម្រាប់តែមន្ទីរបរិស្ថានខេត្តប៉ុណ្ណោះទេ ថែមទាំងបានឆ្លើយតបទៅនឹងលទ្ធផល នៃការអនុវត្តសេចក្តីសម្រេចអង្គសន្និបាតបូកសរុបលទ្ធផល​ការងារ​ប្រ​ចាំឆ្នាំ២០១៩ និងលើកទិសដៅការងារឆ្នាំ២០២០​ របស់រដ្ឋបាលខេត្តសៀមរាប និងបានផ្តល់ប្រយោជន៍រួម ដល់ប្រជាជនទូទាំងខេត្តសៀមរាបផ្ទាល់តែម្តង។

លោកក៏បានបន្ថែមទៀតថា មន្ទីរបរិស្ថានខេត្ត បាននឹងកំពុងសម្របសម្រួលក្នុងការអនុវត្តសកម្មភាព​ការងារចម្បងៗ​ មួយចំនួនទៀតពាក់ព័ន្ធទៅនឹងការរៀបចំកំណត់បែងចែកតំបន់គ្រប់គ្រង ការបោះ​បង្គោល​ព្រំប្រទល់ ការរៀបចំផែនការគ្រប់គ្រង និងចុះបញ្ជីដីរដ្ឋនៅតាមបណ្តាតំបន់ការពារធម្មជាតិ​ក្នុងភូមិសាស្ត្រ​ខេត្តសៀមរាប ដើម្បីបែងចែកការគ្រប់គ្រងលើតំបន់ការពារធម្មជាតិចំនួន៤ រួមមាន ៖ ឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដែនជម្រកសត្វព្រៃភ្នំត្នោត-ភ្នំពក ដែនជម្រកសត្វព្រៃគូលែន-ព្រហ្មទេព និងតំបន់ការពារទេសភាពទំនាបខាងជើងបឹងទន្លេសាបផងដែល។

ការរៀបចំកិច្ចប្រជុំបូកសរុបលទ្ធផលការងារបរិស្ថាន ប្រចាំឆមាសទី២ ឆ្នាំ២០២០នេះ​ គឺដើម្បីធ្វើបទបង្ហាញពីសកម្មភាព លទ្ធផលការងារដែល​សម្រចបាន និងបញ្ហាដែលបានជួបប្រទះក្នុងកំឡុងពេលអនុវត្តផែនការសកម្មភាពឆមាសលើកទី២ ឆ្នាំ២០២០ ដើម្បីជ្រាបជាព័ត៌មាន និង​ចែករំលែក​បទពិសោធន៍ពីគ្នាទៅវិញទៅមក ម្យ៉ាងវិញទៀតអាចទទួលបាននូវអនុសាសន៍ណែនាំ​ល្អ​ៗបន្ថែមទៀត ដែលជាធាតុចូល សម្រាប់រៀប​ចំផែនការសកម្មភាពការងារ ឆ្នាំ២០២០ ខាងមុខនេះ ដើម្បីឲ្យទទួលបាននូវសមិទ្ធិផលថ្មីៗកាន់តែច្រើន និងកាន់តែប្រសើរឡើងថែមទៀតនាឆ្នាំ​បន្តបន្ទាប់ផងដែរ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2021

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 22 ម៉ោងមុន