ថ្ងៃច័ន្ទ ១៣ រោច ខែបុស្ស ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១១ ខែ មករា ឆ្នាំ ២០២១ លោក ពៅ ពិសិដ្ឋ អភិបាលរងខេត្ត ទទួលបន្ទុកកិច្ចការមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាង ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប បានអញ្ជើញជួបសំណេះសំណាល និងដឹកនាំកិច្ចប្រជុំបូកសរុបការអនុវត្តការងារប្រចាំឆ្នាំ២០២០ និងទិសដៅអនុវត្តបន្តឆ្នាំ ២០២១ របស់មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិកាកិច្ច ។ កិច្ចប្រជុំនេះក៏មាន ការអញ្ជើញចូលរួមពី លោក លឹម ភក្តី ប្រធានមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច លោកអនុប្រធានមន្ទីរ លោក លោកស្រី ប្រធាន អនុប្រធានការិយាល័យ និងមន្ត្រីជាប់កិច្ចសន្យា សរុប១៦រូប ស្ត្រី៦រូប។លោកប្រធានមន្ទីរបានរាយការណ៍សង្ខេបជូនអង្គប្រជុំពីស្ថានភាពមន្ត្រីក្របខណ្ឌ និងរចនាសម្ព័ន្ធ ក្នុងមន្ទីរ មន្ត្រីក្របខណ្ឌសរុបចំនួន ១៣ រូប ស្រី ៦ រូប ដោយមានការរិយាល័យចំនួន ៣ ១ ការិយាល័យរដ្ឋបាល និងហិរញ្ញវត្ថុ២ ការិយាល័យអធិការកិច្ច និងទទួលពាក្យបណ្តឹង៣ ការិយាល័យទំនាក់ទំនងជាមួយរដ្ឋសភា-ព្រឹទ្ធសភា និងអាជ្ញាធររាជធានី ខេត្តនៅក្នុងកិច្ចប្រជុំបូកសរុបនេះដែរ លោក អភិបាលរងខេត្តបានមានមតិផ្តាំផ្ញើ ដូចជា:-ត្រូវបន្តយកចិត្តទុកខ្ពស់ចំពោះវិធានការការពារការឆ្លងវីរុសCovide19 និងអនុវត្តតាមការណែនាំរបស់ក្រសួងសុខាភិបាល-ត្រូវមានសាមគ្គីភាពផ្ទៃក្នុង ភាតរភាព និងការគោរពគ្នាទៅវិញទៅមក និងស្មោះត្រង់ចំពោះអង្គភាព។-ពង្រឹងកិច្ចការទំនាក់ទំនងជាមួយមន្ទីរអង្គភាពពាក់ព័ន្ធ និងស្ថាប័នជាតិ-អន្តរជាតិ អោយបានល្អប្រសើរ -ពង្រឹងប្រសិទ្ធិភាព កិច្ចការទំនាក់ទំនងជាមួយរដ្ឋសភា -ព្រឹទ្ធសភា និងអធិការកិច្ចនិងបន្តផ្សព្វផ្សាយឯកសារច្បាប់នានាអោយបានទូលំទូលាយ-ពង្រឹងប្រសិទ្ធិភាព កិច្ចការរដ្ឋបាល និងហិរញ្ញវត្ថុក្នុងអង្គភាព-បន្តពង្រឹងប្រសិទ្ធិភាព កិច្ចការអធិការកិច្ច និងទទូលពាក្សបណ្តឹង ដោះស្រាយពាក្យបណ្តឹងជូនប្រជាពលរដ្ឋ កិច្ចប្រជុំនេះរៀបចំនៅបន្ទប់ប្រជុំនៃមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តសៀមរាប ។