រដ្ឋបាលខេត្តសៀមរាប

Siemreap Administration
ស្វែងរក

កិច្ចប្រជុំពិភាក្សា​ លេីរបាយការណ៍វាយតម្លៃហេតុ​ប៉ះពាល់បរិស្ថាន និងសង្គមដំបូង(IESIA) សម្រាប់ គម្រោងកែលម្អស្ទឹងសៀមរាប ជំហាន២

  • 971
  • ដោយ vannak
នៅថ្ងៃទី ១០ ខែកុម្ភៈ ឆ្នាំ២០២១ វេលាម៉ោង​ ៨៖៣០នាទីព្រឹក​ នៅសាលប្រជុំសាលាខេត្ត បានបេីកកិច្ចប្រជុំពិភាក្សាលេីរបាយការណ៍វាយតម្លៃហេតុប៉ះពាល់បរិស្ថាន និងសង្គមដំបូង (IESIA) សម្រាប់ គម្រោងកែលម្អស្ទឹងសៀមរាប ជំហាន២ នៅខេត្តសៀមរាប របស់ក្រសួងសាធារណការ និងដឹកជញ្ជូន ក្រោមការដឹកនាំរបស់លោក ង៉ាន់ ភិរុណ អភិបាលរង តំណាងដ៏ខ្ពង់ខ្ពស់ឯឧត្តម​ ទៀ សីហា អភិបាល​ នៃគណៈអភិបាលខេត្ត ដោយមានការអញ្ជេីញចូលរួមពី លោកនាយករងរដ្ឋបាលសាលាខេត្ត តំណាងស្នងការដ្ឋាននគរបាលខេត្ត មន្ទីរបរិស្ថានខេត្ត មន្ទីរសាធារណការ និងដឹកជញ្ជូនខេត្ត មន្ទីររៀបចំដែនដី នគរូបនីយកម្មសំណង់ និងសុរិយោដីខេត្ត មន្ទីរធនធានទឹក និងឧតុនិយមខេត្ត មន្ទីរកសិកម្មរុក្ខាប្រមាញ់ និងនេសាទខេត្ត មន្ទីរផែនការខេត្ត មន្ទីរកិច្ចការនារីខេត្ត មន្ទីរទេសចរណ៍ខេត្ត មន្ទីរអភិវឌ្ឍន៍ជនបទខេត្ត មន្ទីរវប្បធម៌ និងវិចិត្រសិល្បៈខេត្ត អង្គភាព​រដ្ឋាករទឹកស្វយ័តសៀមរាប ទីចាត់ការអន្តរវិស័យសាលាខេត្ត ទីចាត់ការរដ្ឋបាលសាលាខេត្ត​ ទីចាត់ការហរិញ្ញវត្ថុសាលាខេត្ត ទីចាត់ការផែនការ និងវិនិយោគសាលាខេត្ត និងក្រុមហ៊ុនទីប្រឹក្សា SBK។
បន្ទាប់ពីកិច្ចពិភាក្សាយ៉ាងយកចិត្តទុកដាក់រួចមក អង្គប្រជុំបានឯកភាពនូវចំណុចមួយចំនួនដូចខាងក្រោម៖ ១-ម្ចាស់គម្រោងត្រូវរៀបចំដាំស្តារដើមឈើសងខាងស្ទឹងសៀមរាបឡើងវិញ ក្រោយពីបញ្ចប់គម្រោងកែលម្អស្ទឹងសៀមរាប ២-ត្រូវរៀបចំធ្វើផ្លូវសងខាងស្ទឹងសម្រាប់ទុកជាចំណត ផ្លូវថ្មើជើង ផ្លូវជិះកង់ និងផ្លូវសម្រាប់ជនពិការ ៣-ត្រូវរៀបចំប្រព័ន្ធលូរទឹកកខ្វក់ និងប្រព័ន្ធលូរទឹកភ្លៀង កុំឱ្យហូរចូលក្នុងស្ទឺងសៀមរាប ឱ្យបានត្រឹមត្រូវតាមលក្ខណៈបច្ចេកទេស ៤-មន្ទីរសាធារណការ និងដឹកជញ្ជូនខេត្ត ត្រូវសហការជាមួយមន្ទីររៀបចំដែនដី នគរូបីយកម្ម សំណង់ និងសុរិយោដីខេត្ត ដើម្បីរៀបចំប្លង់មេឱ្យបានត្រឹមត្រូវ និងរៀបចំឱ្យគម្រោងនេះបន្សីគ្នាជាមួយគម្រោងស្តារ​ស្ទឹងសៀមរាបរបស់រាជរដ្ឋាភិបាល៕











+17


338អ្នក, Sopheap Khan, Prom Sothearith និង 335 ផ្សេងទៀត
មតិ 5
ចែករំលែក 32

ចូលចិត្ត



មតិ


ចែករំលែក

អត្ថបទទាក់ទង