រដ្ឋបាលខេត្តសៀមរាប

Siemreap Administration
ស្វែងរក

រដ្ឋបាលសង្កាត់ទាំង១២ ក្នុងក្រុងសៀមរាប បានចុះផ្សព្វផ្សាយតាមឧគ្ឃោសនសព្ទ និងណែនាំអោយម្ចាស់អាជីវកម្មដ្ឋាន បិទQR Code ទប់ស្កាត់ជំងឺកូវីដ-១៩

  • 2.0ពាន់
  • ដោយ vannak
បច្ចុប្បន្ននេះ ជំងឺឆ្លងនេះ បាននឹងកំពុងយាយីក្នុងពិភពលោកមិនទាន់បានធូរស្បើយនៅឡើយដោយឡែកសម្រាប់កម្ពុជាយើង ប្រមុខរាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្ត្រី រួមនិងថ្នាក់ដឹកនាំ មន្ត្រីរាជការ ក្រុមគ្រូពេទ្យ កងកម្លាំងប្រដាប់អាវុធ ប្រជាពលរដ្ឋទូទាំងប្រទេស បាននឹងកំពុងយកចិត្តទុកដាក់រួមគ្នា ប្រយុទ្ធប្រឆាំងបង្ការទប់ស្កាត់ជម្ងឺកូវីត១៩នេះ ដែលនឹងកំពុងឆ្លងក្នុងសហគមន៍នៃបណ្ដាខេត្ត រាជធានីមួយចំនួនផងដែរ។
ចាប់ពីថ្ងៃទី២២ ដល់ថ្ងៃទី២៤ ខែមិនា ឆ្នាំ២០២១នេះ រដ្ឋបាលសង្កាត់ទាំង១២ ក្នុងក្រុងសៀមរាប បានចុះផ្សព្វផ្សាយតាមឧគ្ឃោសនសព្ទនិងណែនាំអោយម្ចាស់អាជីវកម្មដ្ឋានបិទQR Code ដើម្បីទប់ស្កាត់ជំងឺកូវីដ-១៩ ដើម្បីងាយតាមដានអ្នកសង្ស័យផ្ទុកមេរោគកូវីដ-១៩ ដែលទៅចូលទៅកន្លែងអាជីវកម្មរបស់ពួកគាត់ និងដើម្បីរួមគ្នាបង្ការទប់ស្កាត់ មិនឲ្យមានការឆ្លងចូលដល់ក្នុងសហគមន៍ខេត្តសៀមរាប។
រដ្ឋបាលខេត្ត ក៏ដូចជារដ្ឋបាលសង្កាត់ ក្នុងក្រុងសៀមរាប បានអំពាវនាវដល់ជនរួមជាតិទាំងអស់ ឲ្យគោរព និងប្រតិបត្តិឲ្យបានជាប្រចាំនូវវិធានការ ៣កុំ ៣ការពារ៕

អត្ថបទទាក់ទង